ທ່ານ ມຸນເຈອິນ ປະທານາທິບໍດີສ.ເກົາຫຼີ ກ່າວໃນວັນທີ 2 ມັງກອນນີ້ວ່າ, ການທີ່ສປປ ເກົາຫຼີ ມີເຈຕະນາສົ່ງຄະນະຜູ້ແທນເຂົ້າຮ່ວມງານກິລາໂອລິມປິກລະດູໜາວທີ່ຈະຈັດຂຶ້ນຢູ່ພຽງຊາງປະເທດຕົນ ແລະຈັດການເຈລະຈາລະຫວ່າງສອງປະເທດນັ້ນ ເປັນການສົ່ງຄຳຕອບສ.ເກົາຫຼີທີ່ສະເໜີໃຫ້ຖືການຈັດງານກິລາໂອລິມປິກລະດູໜາວດັ່ງກ່າວ ເປັນໂອກາດແຫ່ງການປັບປຸງສາຍພົວພັນສອງປະເທດ, ປະເທດຕົນສະແດງຄວາມຊົມເຊີຍຕໍ່ເລື່ອງນີ້ຢ່າງຈິງໃຈ.
ທ່ານ ມຸນເຈອິນ ໄດ້ໃຫ້ທັດສະນະດັ່ງກ່າວໃນກອງປະຊຸມລັດຖະບານຄັ້ງທຳອິດໃນປີ 2018 ທີ່ຈັດຂຶ້ນໃນມື້ດຽວກັນ. ທ່ານກ່າວວ່າ, ຫວັງວ່າກະຊວງທ້ອນໂຮມເປັນເອກະພາບກັນແລະກະຊວງວັດທະນະທຳແລະກິລາ ຈະວາງແຜນການໂດຍໄວ ເພື່ອບັນລຸການຟື້ນຟູການເຈລະຈາເໜືອໃຕ້ຢ່າງວ່ອງໄວ ແລະເຮັດໃຫ້ຄະນະຜູ້ແທນສປປເກົາຫຼີໄດ້ເຂົ້າຮ່ວມການແຂ່ງຂັນຢ່າງສະດວກສະບາຍ.
ທ່ານ ກິມເຈິງອຸນ ຜູ້ນຳສູງສຸດຂອງສປປເກົາຫຼີ ໄດ້ກ່າວໃນໂອກາດສົ່ງຄຳອວຍພອນປີໃໝ່ເມື່ອວັນທີ 1 ມັງກ່ອນນີ້ວ່າ, ປະເທດຕົນມີເຈຕະນາສົ່ງຄະນະຜູ້ແທນເຂົາຮ່ວມມະຫາກຳກິລາໂອລິມປິກລະດູໜາວທີ່ຈັດຂຶ້ນຢູ່ພຽງຊາງໃນໄວໆນີ້ ແລະທາງການເໜືອໃຕ້ກໍສາມາດຖືໂອກາດນີ້ດຳເນີນການເຈລະຈາສຸກເສີນກ່ຽວກັບເລື່ອງນີ້.