ວັນທີ 2 ມັງກອນນີ້, ປາແລັສຕິນໄດ້ກ່າວປະນາມລັດຖະສະພາອິດສະຣາແອນທີ່ຮັບຮອງຍັດຕິກົດໝາຍສະບັບໜຶ່ງເພື່ອເພີ່ມຄວາມເຂັ້ມແຂງໃນການຄວບຄຸມເຢຣູຊາເລັມ ແລະ ກ່າວວ່າ "ນີ້ຜິດກົດໝາຍ".
ທ່ານ ນາບິນ ອາບູ ຣູເດເນ ໂຄສົກທຳນຽບປະທານາທິບໍດີປາແລັສຕິນ ໄດ້ອອກຖະແຫຼງຂ່າວໃນມື້ດຽວກັນວ່າ, ແຜນການການເມືອງໃດໆທີ່ບໍ່ກ່ຽວບັນຫາເຢຣູຊາເລັມນັ້ນ ລ້ວນແຕ່ຈະບໍ່ສຳເລັດຜົນ.
ຂ່າວແຈ້ງວ່າ, ອີງຕາມຍັດຕິກົດໝາຍສະບັບໜຶ່ງທີ່ລັດຖະສະພາອິດສະຣາແອນຮັບຮອງໃນວັນທີ 2 ມັງກອນນີ້, ການປ່ຽນແປງຖານະຂອງເຢຣູລາເລັມໃນກໍລະນີໃດໆກໍຕາມໃນອະນາຄົດຂອງລັດຖະບານອິດສະຣາແອນ ລ້ວນແຕ່ຕ້ອງໄດ້ຮັບການສະໜັບສະໜູນຈາກສະມາຊິກລັດຖະສະພາຫຼາຍກວ່າ 2 ສ່ວນ 3 ກ່ອນ. ນັກວິເຄາະເຫັນວ່າ, ການກະທຳດັ່ງກ່າວ ຈະເພີ່ມທະວີການຄວບຄຸມຕົວຈິງຕໍ່ເຢຣູຊາເລັມຂອງອິດສະຣາແອນຕື່ມອີກ.