ແຫຼ່ງຂ່າວຈາກອົງການຜູ້ຊ່ຽວຊານຕ່າງປະເທດແຫ່ງຊາດຈີນໃຫ້ຮູ້ໃນວັນທີ 4 ມັງກອນນີ້ວ່າ: ເພື່ອຈັດຕັ້ງປະຕິບັດນະໂຍບາຍຕໍ່ຜູ້ມີຄວາມຮູ້ຄວາມສາມາດທີ່ຕັ້ງໜ້າ, ເປີດກວ້າງ ແລະ ມີປະສິດທິຜົນກວ່າເກົ່າຂອງສູນກາງພັກ ແລະ ລັດຖະບານ, ເປີດກວ້າງ ແລະ ຢ່ອນຍ່ານເງື່ອນໄຂການອອກວີຊາ ແລະ ອາຍຸຂອງວີຊາ ສຳລັບເປົ້າໝາຍຜູ້ມີຄວາມຮູ້ຄວາມສາມາດຕື່ມອີກ, ອົງການຜູ້ຊ່ຽວຊານແຫ່ງຊາດ, ກະຊວງການຕ່າງປະເທດ ແລະ ກະຊວງປ້ອງກັນຄວາມສະຫງົບ ໄດ້ຮ່ວມຕອບສະໜອງ "ວິທີການປະຕິບັດລະບຽບການອອກວີຊາໃຫ້ຜູ້ມີຄວາມຮູ້ຄວາມສາມາດຕ່າງປະເທດ" ຫວ່າງມໍ່ໆມານີ້.
ວິທີດັ່ງກ່າວໄດ້ກຳນົດການສ້າງກົນໄກໃນການຊົມໃຊ້ຂໍ້ມູນຮ່ວມກັນ ແລະ ການເຊື່ອມຕໍ່ກັນໃນການກຳນົດຄຸນວຸດທິຜູ້ມີຄວາມຮູ້ຄວາມສາມາດ, ການອອກວີຊາ, ການອະນຸຍາດໃຫ້ມາເຮັດວຽກແລະພັກເຊົາຢູ່ຈີນເປັນຕົ້ນ.
ຂ່າວລາຍງານຕື່ມວ່າ: ອົງການດັ່ງກ່າວ ໄດ້ອອກ "ໃບຮັບຮອງຜູ້ມີຄວາມຮູ້ຄວາມສາມາດຕ່າງປະເທດຂັ້ນສູງ" ໃບທຳອິດໃນທົ່ວປະເທດແລ້ວໃນວັນທີ 2 ມັງກອນນີ້.