ປະຊາຊົນອີຣານແຫ່ຂະບວນຢູ່ຫຼາຍແຫ່ງເພື່ອເປັນການສະໜັບສະໜູນຕໍ່ລັດຖະບານໃນການຕໍ່ຕ້ານກຳລັງຮຸນແຮງ

ໂທລະພາບຂ່າວອີຣານລາຍງານໃນວັນທີ 3 ມັງກອນນີ້ວ່າ: ໃນມື້ດັ່ງກ່າວ, ປະຊາຊົນຢູ່ຫຼາຍຕົວເມືອງຂອງອີຣານໄດ້ແຫ່ຂະບວນເພື່ອເປັນການສະໜັບສະໜູນລັດຖະບານ ພ້ອມທັງຕໍ່ຕ້ານການເຄື່ອນໄຫວດ້ວຍກຳລັງຮຸນແຮງ.

ຂ່າວແຈ້ງວ່າ: ຢູ່ເມືອງອາວາສ໌, ອາບາດານ, ບູເຊີ, ເຄີມານຊາຮ໌,ໂຄມແລະເມືອງອື່ນໆຂອງອີຣານ, ປະຊາຊົນຈຳນວນຫຼວງຫຼາຍໄດ້ຖືປ້າຍຄຳຂວັນແລະທຸງຊາດຕາມທ້ອງຖະໜົນ ແລະຮ້ອງຄຳຂວັນເພື່ອເປັນການສະໜັບສະໜູນລັດຖະບານ ແລະຕໍ່ຕ້ານການເຄື່ອນໄຫວດ້ວຍກຳລັງຮຸນແຮງໃນການແຫ່ຂະບວນປະທ້ວງໃນຫວ່າງມໍ່ໆນີ້.

ຂ່າວລາຍງານວ່າ: ວັນທີ 4 ມັງກອນນີ້, ມີບາງຕົວເມືອງຂອງອີຣານກໍ່ຈະຈັດການເຄື່ອນໄຫວໂຮມຊຸມນຸມສະໜັບສະໜູນລັດຖະບານ,ແລະປະຊາຊົນຢູ່ນະຄອນຫຼວງເຕເຮລານກໍ່ຈະຈັດການໂຮມຊຸມນຸມສະໜັບສະໜູນລັດຖະບານໃນວັນທີ 5 ມັງກອນນີ້ເຊັ່ນດຽວກັນ.