ກະຊວງທ້ອນໂຮມທົ່ວປະເທດເປັນເອກະພາບຂອງສ.ເກົາຫຼີຢືນຢັນໃນວັນທີ 3 ມັງກອນນີ້ວ່າ, ສປປເກົາຫຼີແລະປະເທດຕົນ ໄດ້ໂທລະສັບລົມກັນປະມານ 20 ນາທີໂດຍຜ່ານທາງປານມູນຈອມທີ່ເປີດຄືນໃໝ່ໃນມື້ດຽວກັນ ເຊິ່ງຕົ້ນຕໍໄດ້ກວດກາເຕັກນິກຂອງທາງໂທລະຄົມ.
ຂ່າວສານໂຢນຮັບສ.ເກົາຫຼີລາຍງານວ່າ, ກະຊວງທ້ອນໂຮມເປັນເອກະພາບກັນກ່າວວ່າ, ເວລາ 15:30-15:50 ຂອງວັນທີ 3 ມັງກອນນີ້ຕາມເວລາເຊອຸນ, ເຈົ້າໜ້າທີ່ສປປເກົາຫຼີ ໄດ້ໂທລະສັບເຂົ້າມາກ່ອນໂດຍຜ່ານທາງປານມູນຈອມ ແລະສອງຝ່າຍໄດ້ກວດກາແລະຢືນຢັນວ່າ ໂທລະສັບແລະໂທລະສານສາມາດນຳໃຊ້ຢ່າງເປັນປົກກະຕິໄດ້ຫຼືບໍ່.
ມື້ດຽວກັນ, ທ່ານ ຢຸນຢົງຊັນ ຫົວໜ້າເລຂາທິການທີ່ຮັບຜິດຊອບການຕິດຕໍ່ພົວພັນຂອງພົນລະເມືອງທຳນຽບຊົງວາເດສ.ເກົາຫຼີ ກ່າວວ່າ, ສອງຝ່າຍຟື້ນຟູເສັ້ນທາງຕິດຕໍ່ພົວພັນທີ່ປານມູນຈອມນັ້ນ ມີຄວາມໝາຍສຳຄັນຍິ່ງ ເຊິ່ງຈະເຮັດໃຫ້ສອງປະເທດສາມາດເຈລະຈາກັນໄດ້ທຸກເວລາ.