ບໍລິສັດຮວາເວີຍຈີນຈະຊ່ວຍປັບປຸງການບໍລິການໂທລະຄົມຂອງຟິລິບປິນ

ກຸ່ມບໍລິສັດຮວາເວີຍຈີນແລະບໍລິສັດ PLDT ທີ່ເປັນໜຶ່ງໃນສອງບໍລິສັດໂທລະຄົມໃຫຍ່ຂອງຟິລິບປິນພ້ອມດ້ວຍບໍລິສັດ Smart ເຊິ່ງເປັນພາກສ່ວນໂທລະສັບເຄື່ອນທີ່ຂອງ PLDT ໄດ້ເຊັນສັນຍາການຮ່ວມມືໃນມູນຄ່າ 28,5 ລ້ານໂດລາ ໂດຍລະບຸວ່າ, ໃນການບໍລິການເປັນເວລາ 15 ເດືອນ, ບໍລິສັດຮວາເວີຍຈະຮັບຜິດຊອບປັບປຸງລະບົບເກັບຄ່າບໍລິການທາງອອນໄລແບບສະມາດຂອງ PLDT.

ທ່ານ ເອສພີໂນຊາ ຫົວໜ້າການບໍລິການວິສາຫະກິດຂອງກຸ່ມ PLDT ຫວັງວ່າ, ຜ່ານຈາກການຮ່ວມມືກັບບໍລິສັດຮວາເວີຍ ຈະສາມາດໃຫ້ການບໍລິການແບບສ່ວນບຸກຄົນໃຫ້ລູກຄ້າຫຼາຍກວ່າເກົ່າ, ຜ່ານຈາກເວທີທີ່ເປັນເອກະພາບກັນ, ທ້ອນໂຮມການບໍລິການປະເພດດຽວກັນທີ່ມີຍີ່ຫໍ້ຕ່າງກັນນັ້ນເຂົ້າໃນລະບົບດຽວກັນ ທັງເຮັດໃຫ້ຂັ້ນຕອນເຮັດວຽກກະທັດຮັດກວ່າເກົ່າ.