ຊາວຈີນຕ່າງດ້າວແລະຊາວຟິລິບປິນເຊື້ອສາຍຈີນ 40 ທ່ານເຊັ່ນທ່ານ ໄຊ້ໂຢມິງ ໄດ້ພິມບົດຄວາມທີ່ລົງນາມແທ້ຈິງໃສ່ໜັງສືພິມ "ຂ່າວການຄ້າ" ຂອງຟິລິບປິນສະບັບວັນທີ 3 ມັງກອນນີ້ ໂດຍຮຽກຮ້ອງໃຫ້ຈົ່ງຮູບປັ້ນທອງນາງບຳເລີໄວ້ທີ່ຕັ້ງຢູ່ອ່າວມະນີລານັ້ນຢ່າງແຮງກ້າ. ກ່ອນໜ້ານີ້, ທ່ານ ໂກ່ງສື່ຢູ້ ປະທານສະຫະສະມາຄົມຄົນເຊື້ອສາຍຈີນໃນວົງການຕ່າງໆຟິລິບປິນ ໄດ້ພິມບົດລົງໜ້າໜຶ່ງຂອງໜັງສືພິມ "ໂລກລາຍວັນ" ຂອງຟິລິບປິນສະບັບວັນທີ 27 ທັນວາ 2017 ເພື່ອສະໜັບສະໜູນຟິລິບປິນທີ່ຕັ້ງຮູບປັ້ນທອງນາງບຳເລີຮູບທຳອິດ.
ວັນທີ 8 ທັນວາປີ 2017 ຜ່ານມາ, ຄະນະກຳມະການປະຫວັດສາດແຫ່ງຊາດຟິລິບປິນ ແລະ ອົງການປົກຄອງນະຄອນຫຼວງມະນີລາ ໄດ້ຈັດພິທີເປີດຮູບປັ້ນທອງນາງບຳເລີສົງຄາມໂລກຄັ້ງທີສອງ ແລະ ຮູບປັ້ນດັ່ງກ່າວຕັ້ງຢູ່ຖະໜົນໂຣກຊັສທີ່ມີຊື່ສຽງຂອງນະຄອນຫຼວງມະນີລາ, ດ້ານຫຼັງແມ່ນອ່າວມະນີລາ ແລະຫ່າງຈາກສະຖານທູດຍີ່ປຸ່ນປະຈຳຟິລິບປິນປະມານ 3 ກິໂລແມັດ. ສື່ມວນຊົນຟິລິບປິນລາຍງານວ່າ, ສະຖານທູດຍີ່ປຸ່ນປະຈຳຟິລິບປິນເຄີຍກ່າວຕໍ່ລັດຖະບານຟິລິບປິນວ່າ, ຍີ່ປຸ່ນຮູ້ສຶກເສຍໃຈຕໍ່ຟິລິບປິນທີ່ຕັ້ງຮູບທອງດັ່ງກ່າວ.