ສື່ມວນຊົນຫວຽດນາມລາຍງານໃນວັນທີ 4 ມັງກອນນີ້ວ່າ: ສາງເກັບມ້ຽນວັດຖຸເສດເຫຼືອແຫ່ງໜຶ່ງຢູ່ແຂວງບັກນິງພາກເໜືອປະເທດຫວຽດນາມໄດ້ເກີດເຫດລະເບີດ ສົ່ງຜົນເຮັດໃຫ້ເດັກນ້ອຍ 2 ຄົນເສຍຊີວິດ, 8 ຄົນບາດເຈັບ. ຜົນການກວດກາໃນເບື້ອງຕົ້ນສະແດງໃຫ້ເຫັນວ່າ: ການລະເບີດດັ່ງກ່າວແມ່ນເກີດຂຶ້ນຍ້ອນລະເບີດທີ່ຕົກຄ້າງຈາກສົງຄາມ.
ຂ່າວລາຍງານວ່າ: ເຈົ້າໜ້າທີ່ຕຳຫຼວດທ້ອງຖິ່ນໄດ້ຈັບຕົວເຈົ້າຂອງສາງດັ່ງກ່າວແລ້ວ. ລາວເວົ້າວ່າ: ສອງປີກ່ອນ ລາວໄດ້ຊື້ຫົວລູກປືນເກົ່າ 7 ໂຕນຈາກສູນກຳຈັດວັດຖຸລະເບີດຂອງກອງບັນຊາການທະຫານຊ່າງແສງຫວຽດນາມ ແລ້ວໄດ້ເກັບໄວ້ຢູ່ໃນສາງດັ່ງກ່າວນີ້.
ປັດຈຸບັນ, ຢູ່ຫວຽດນາມຍັງມີລະເບີດຕົກຄ້າງຂອງກອງທັບອາເມລິກາໃນໄລຍະສົງຄາມຫວຽດນາມຈຳນວນຫຼວງຫຼາຍ. ໃນຂະນະທີ່ປະຊາຊົນທ້ອງຖິ່ນທີ່ຊອກເກັບເອົາໂລຫະຕ່າງໆຈາກລະເບີດນັ້ນ ໄດ້ເກີດການລະເບີດເລື້ອຍໆ ສົ່ງຜົນເຮັດໃຫ້ມີຜູ້ເສຍຊີວິດຈຳນວນຫຼວງຫຼາຍ.