ຕາມຂ່າວCRI: ວັນທີ 4 ມັງກອນນີ້, ທ່ານ ມູຮຳມັດ ບູຮາຣີ ປະທານາທິບໍດີນີເຊຣີໄດ້ຕັດແຖບຜ້າເປີດພິທີການຫົວລົດໄຟແລະຕູ້ລົດໃໝ່ທີ່ບໍລິການຕາມທາງລົດໄຟນະຄອນຫຼວງອາບູຈາ-ກາດູນາທາງພາກເໜືອປະເທດນີເຊຣີ, ພ້ອມທັງສະຫຼອງທາງລົດໄຟດັ່ງກ່າວດຳເນີນງານຢ່າງປອດໄພຫຼາຍກວ່າ 500 ວັນ.
ໂອກາດນີ້, ທ່ານ ບູຮາຣີ ກ່າວຄຳປາໄສວ່າ: ຫວັງວ່າຈະສາມາດເຊື່ອມຕໍ່ບັນດາຕົວເມືອງທີ່ສຳຄັນຂອງນີເຊຣີດ້ວຍທາງລົດໄຟໃນ 25 ປີຕໍ່ໜ້າ. ການສ້າງທາງລົດໄຟຂອງນີເຊຣີປາສະຈາກການຮ່ວມມືກັບບໍລິສັດຈີນບໍ່ໄດ້,ຫວັງວ່າໃນອະນາຄົດຈະສືບຕໍ່ເພີ່ມທະວີການຮ່ວມມືກັບຈີນໃນດ້ານການຊົມໃຊ້ເຕັກໂນໂລຊີທາງລົດໄຟ.
ທາງລົດໄຟອາບູຈາ-ກາດູນາເລີ່ມເປີດໃຫ້ບໍລິການຢ່າງເປັນທາງການໃນວັນທີ 26 ກໍລະກົດປີ 2016 ເຊິ່ງເປັນທາງລົດໄຟສາຍທຳອິດຂອງອາຟຣິກາທີ່ໃຊ້ເຕັກນິກແລະມາດຕະຖານຂອງຈີນທັງໝົດ.
 |
