ວັນທີ 4 ມັງກອນນີ້, ທ່ານມຸນແຈອິນ, ປະທານາທິບໍດີ ສ ເກົາຫຼີໄດ້ສົນທະນາຜ່ານທາງໂທລະສັບກັບທ່ານໂດນັນ ທຣຳ ປະທານາທິບໍດີອາເມລິກາ, ປະມຸກລັດສອງປະເທດໄດ້ເປັນເອກະພາບກ່ຽວກັບບໍ່ຈັດການຊ້ອມຮົບປະສົມໃນໄລຍະຈັດງານກິລາໂອລິມປິກລະດູໜາວພຽງຊາງ.
ທ່ານຢຸມຢັງຊັນ ຫົວໜ້າຄະນະເລຂາແລກປ່ຽນກັບປະຊາຊົນຊົງວາເດ ກ່າວວ່າ, ຜູ້ນຳສອງປະເທດໄດ້ສົນທະນາກັນປະມານ 30 ນາທິ, ເນື້ອໃນກ່ຽວກັບບັນຫາການເຈລະຈາລະຫວ່າງສ ເກົາຫຼີແລະ ສປປ ເກົາຫຼີທີ່ຖືງານກິລາໂອລິມປິກລະດູໜາວພຽງຊາງເປັນໂອກາດປັບປຸງສາຍພົວພັນໃຫ້ດີຂຶ້ນແລະອື່ນໆ. ສອງຝ່າຍຕົກລົງຈະອອກແຮງຢ່າງສຸດຂີດເພື່ອຮັບປະກັນການຈັດງານກິລາໂອລິມປິກລະດູໜາວຄັ້ງນີ້ຢ່າງປອດໄພແລະສຳເລັດຜົນ. ທ່ານມຸນແຈອິນ ກ່າວວ່າ, ໃນການເຈລະຈາລະຫວ່າງ ສ ເກົາຫຼີກັບ ສປປ ເກົາຫຼີ, ປະເທດຕົນຈະຮັກສາການປະສານສົມທົບກັບອາເມລິກາຢ່າງໃກ້ຊິດ, ແລະການຈັດການເຈລະຈາລະຫວ່າງສອງຝ່າຍຈະມີຜົນດີຕໍ່ການສ້າງບັນຍາກາດເຈລະຈາລະຫວ່າງ ສປປ ເກົາຫຼີກັບອາເມລິກາອີກດ້ວຍ.