ກອງປະຊຸມຫົວໜ້າອົງການຊັບສິນທາງປັນຍາທົ່ວປະເທດຈີນ 2018 ໄດ້ໄຂຂຶ້ນຢູ່ນະຄອນຫຼວງປັກກິ່ງໃນວັນທີ 4 ມັງກອນນີ້ ໂດຍກອງປະຊຸມແຈ້ງວ່າ, ປີ 2017 ຈີນໄດ້ຮ້ອງຂໍສິດທິບັດດ້ານປະດິດສ້າງ 1 ລ້ານ 3 ແສນ 8 ໝື່ນ 2 ພັນໃບ, ເພີ່ມຂຶ້ນ 14,2% ເມື່ອທຽບໃສ່ປີ 2016, ຂະນະດຽວກັນ, ຈີນໄດ້ຕັ້ງໜ້າຊຸກຍູ້ການຮ່ວມມືສາກົນໃນດ້ານຊັບສິນທາງປັນຍາ ໂດຍໄດ້ເຊັນສັນຍາຮ່ວມມືຫຼາຍຝ່າຍດ້ານຊັບສິນທາງປັນຍາ 52 ສະບັບ.
ທ່ານ ເຊີ່ນຊາງຢີ ຫົວໜ້າອົງການຊັບສິນທາງປັນຍາແຫ່ງຊາດຈີນ ກ່າວໃນກອງປະຊຸມມື້ດັ່ງກ່າວວ່າ, ປີ 2017 ຈຳນວນສິດທິບັດດ້ານປະດິດສ້າງໃໝ່ທີ່ຮ້ອງຂໍ ແລະ ຈຳນວນສິດທິບັດດ້ານປະດິດສ້າງໃໝ່ທີ່ມີຢູ່ແລະມີຜົນສັກສິດພາຍໃນປະເທດ ລ້ວນແຕ່ມີການບຸກທະລຸ, ຂະນະດຽວກັນ, ການປົກປ້ອງຊັບສິນທາງປັນຍາ ກໍເຂັ້ມງວດກວ່າເກົ່າ. ປີ 2018, ຈະຊຸກຍູ້ການຮ້ອງຂໍສິດທິບັດໃຫ້ເພີ່ມຂຶ້ນຢ່າງເໝາະສົມ ໂດຍວາງເປົ້າໝາຍຈະເຮັດໃຫ້ຈຳນວນສິດທິບັດດ້ານການປະດິດສ້າງໃໝ່ ແລະ ດ້ານການປະຍຸກເພີ່ມຂຶ້ນຢູ່ໃນລະຫວ່າງ 7% ຢ່າງໝັ້ນທ່ຽງ.