ຫຼັງຈາກເຂົ້າສູ່ປີ 2018 ແລ້ວ, ເງິນບາດຂອງໄທ ຍັງຮັກສາທ່ວງທ່າແຂງຄ່າຂຶ້ນຢ່າງແຂງແຮງ. ວັນທີ 4 ມັງກອນນີ້, ອັດຕາແລກປ່ຽນເງິນບາດກັບໂດລາສະຫະລັດ ໄດ້ສູງເຖິງ 32,24 ບາດຕໍ່ 1 ໂດລາ ເຊິ່ງເປັນສະຖິຕິສູງສຸດໃນຮອບ 38 ເດືອນນັບແຕ່ເດືອນຕຸລາປີ 2014 ຜ່ານມາ.
ໃນປີຜ່ານມາ, ຍ້ອນວ່າທຶນຕ່າງປະເທດໄດ້ໄຫຼເຂົ້າຕະຫຼາດຫຸ້ນແລະຕະຫຼາດພັນທະບັດຂອງໄທຢ່າງບໍ່ຢຸດຢັ້ງ, ເຮັດໃຫ້ເງິນບາດໄທແຂງຄ່າຂຶ້ນຢ່າງຕໍ່ເນື່ອງ ໂດຍໄດ້ແຂງຄ່າຂຶ້ນປະມານ 10% ໃນປີຜ່ານມາ ແລ້ວກາຍເປັນໜຶ່ງໃນເງິນຕາທີ່ດີທີ່ສຸດຂອງອາຊີ.
ແຕ່ວ່າ, ເຖິງວ່າເງິນບາດໄດ້ແຂງຄ່າຂຶ້ນຫຼາຍໃນປີຜ່ານມາກໍຕາມ, ແຕ່ການສົ່ງອອກຂອງໄທຍັງໄດ້ຟື້ນຟູຢ່າງແຂງແຮງ. ຕາມຂໍ້ມູນຂອງກະຊວງການຄ້າໄທ, ນັບແຕ່ເດືອນມັງກອນຮອດເດືອນພະຈິກປີຜ່ານມາ, ໄທໄດ້ບັນລຸມູນຄ່າສົ່ງອອກ 216 ຕື້ 950 ລ້ານໂດລາ, ເພີ່ມຂຶ້ນຫຼາຍກວ່າ 10% ເມື່ອທຽບໃສ່ໄລຍະດຽວກັນຂອງປີ 2016 ເຊິ່ງເປັນການເພີ່ມຂຶ້ນສູງສຸດໃນຮອບ 6 ປີຜ່ານມາ.