ກະຊວງການຕ່າງປະເທດອາເມລິກາປະກາດໃນວັນທີ 4 ມັງກອນນີ້ວ່າ, ລັດຖະບານຕົນໄດ້ຢຸດຕິການຊ່ວຍເຫຼືອດ້ານຄວາມໝັ້ນຄົງທີ່ມີມູນຄ່າສູງໃຫ້ປາກິສະຖານ ແລະຈະຟື້ນຟູການຊ່ວຍເຫຼືອໃນເວລາໃດນັ້ນ ຈະພິຈາລະນາເຖິງການສະແດງຂອງປາກິສະຖານໃນການຕ້ານການກໍ່ການຮ້າຍ.
ນີ້ແມ່ນຄັ້ງທີສອງທີ່ອາເມລິກາຢຸດຕິການຊ່ວຍເຫຼືອເງິນທຶນແກ່ປາກິສະຖານພາຍໃນເຄິ່ງປີຜ່ານມາ.
ທ່ານ ເຮເຊີ ໂນເອີດ ໂຄສົກກະຊວງການຕ່າງປະເທດອາເມລິກາກ່າວໃນກອງປະຊຸມຂ່າວທີ່ຈັດຂຶ້ນໃນຕອນບ່າຍມື້ດຽວກັນວ່າ, ລັດຖະບານຕົນຈະງົດການຊ່ວຍເຫຼືອດັ່ງກ່າວຢ່າງຕໍ່ເນື່ອງ ຈົນກວ່າລັດຖະບານປາກິສະຖານຈະນຳໃຊ້ການເຄື່ອນໄຫວແບບຂາດຕົວໃນການປາບປາມກຸ່ມຕາລິບັນຂອງອັຟການີສະຖານ ແລະ ເຄືອຂ່າຍຮາຄານີ ທີ່ຖືກປະເທດຕົນຈັດເຂົ້າໃນບັນຊີອົງການກໍ່ການຮ້າຍ.
ລັດຖະບານປາກິສະຖານໄດ້ກ່າວຕອບໂຕ້ອາເມລິກາຫຼາຍເທື່ອແລ້ວກ່ຽວກັບຄຳຕິຕຽນໃນບັນຫາຕ້ານການກໍ່ການຮ້າຍ ແລະສະແດງຄວາມຜິດຫວັງຕໍ່ອາເມລິກາທີ່ປະໝາດການປະກອບສ່ວນຂອງຕົນໃນການຕ້ານການກໍ່ການຮ້າຍ.