ຕາມຂ່າວ CRI: ວັນທີ 5 ມັງກອນນີ້ ກະຊວງທ່ອງທ່ຽວຂອງກຳປູເຈຍໄດ້ປະກາດບົດລາຍງານ ໂດຍສະແດງໃຫ້ເຫັນວ່າ, ປີ 2017 ກຳປູເຈຍໄດ້ຕ້ອນຮັບນັກທ່ອງທ່ຽວຈີນຫຼາຍກວ່າ 1 ລ້ານເທື່ອຄົນ, ເພີ່ມຂຶ້ນຫຼາຍກວ່າໄລຍະດຽວກັນຂອງປີ 2016 45%, ກາຍເປັນປະເທດທີ່ມີນັກທ່ອງທ່ຽວໄປທ່ຽວກຳປູເຈຍຫຼາຍທີ່ສຸດ.
ບົດລາຍງານຂອງກະຊວງທ່ອງທ່ຽວກຳປູເຈຍໃຫ້ຮູ້ວ່າ, ປີກາຍນີ້ ກຳປູເຈຍລວມໄດ້ຕ້ອນຮັບນັກທ່ອງທ່ຽວຕ່າງປະເທດ 5 ລ້ານ 6 ແສນເທື່ອຄົນ, ຈີນແມ່ນປະເທດທີ່ນັກທ່ອງທ່ຽວໄປທ່ຽວກຳປູເຈຍຫຼາຍທີ່ສຸດ, ອັນໄດ້ສ້າງໂອກາດປະກອບອາຊີບໃຫ້ກຳປູເຈຍ 6 ແສນ 2 ໝື່ນຕຳແໜ່ງ.
ຂ່າວແຈ້ງວ່າ, ເພື່ອດຶງດູດ ແລະຮັບຕ້ອນນັກທ່ອງທ່ຽວຕ່າງປະເທດໃຫ້ດີ, ກຳປູເຈຍມີແຜນຈະລົງທຶນ ແລະພັດທະນາຜະລິດຕະພັນການທ່ອງທ່ຽວຫຼາຍກວ່າເກົ່າ, ແລະປັບປຸງການກໍ່ສ້າງພື້ນຖານໂຄງລ່າງຂອງແຫຼ່ງທ່ອງທ່ຽວຕ່າງໆ, ເຊັ່ນ ເສັ້ນທາງ, ທ່າກຳປັ່ນການ ແລະສະໜາມບິນເປັນຕົ້ນ.
ຕາມຮູ້ວ່າ, ປີນີ້ ກຳປູເຈຍຄາດວ່າຈະຕ້ອນຮັບນັກທ່ອງທ່ຽວເຖິງ 6 ລ້ານເທື່ອຄົນ, ຈະສ້າງລາຍໄດ້ 4 ຕື້ກວ່າໂດລາສະຫະລັດ.
 |
