ວັນທີ 5 ມັງກອນນີ້, ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ, ທ່ານເກີງສວງ ໂຄສົກກະຊວງການຕ່າງປະເທດຈີນກ່າວວ່າ, ຈີນຮຽກຮ້ອງອີກເທື່ອໜຶ່ງໃຫ້ຝ່າຍທີ່ກ່ຽວຂ້ອງທັງຫຼາຍຈົ່ງຮ່ວມກັບຈີນ ເສີມຂະຫຍາຍບົດບາດທີ່ຄວນມີ ຫາບແບກໜ້າທີ່ທີ່ຄວນຮັບ, ກຳໂອກາດອັນຕັ້ງໜ້າທີ່ເກີດຂຶ້ນໃນສະຖານະການແຫຼມເກົາຫຼີໃນປັດຈຸບັນ, ທຳຄວາມທຳຍາຍາມຮ່ວມກັນ, ຍາດແຍ່ງເຮັດໃຫ້ບັນຫາແຫຼມເກົາຫຼີໄດ້ຮັບການແກ້ໄຂໂດຍຜ່ານການສົນທະນາ ແລະ ປຶກສາຫາລືດ້ວຍສັນຕິວິທີທີ່ຖືກຕ້ອງໂດຍໄວ.
ມີນັກຂ່າວຖາມວ່າ, ຂ່າວແຈ້ງວ່າ, ວັນທີ 5 ມັງກອນນີ້, ໂຄສົກກະຊວງໂຮມປະເທດເຂົ້າເປັນເອກະພາບຂອງສ.ເກົາຫຼີກ່າວວ່າ, ມື້ດຽວກັນ, ສປປເກົາຫຼີກ່າວວ່າ ເຫັນດີຂໍ້ສະເໜີຂອງສ.ເກົາຫຼີກ່ຽວກັບການຈັດການເຈລະຈາຂັ້ນສູງລະຫວ່າງສອງເກົາຫຼີຢູ່ປານມູນຈອມໃນວັນທີ 9 ມັງກອນນີ້. ທ່າທີຂອງຈີນເປັນແນວໃດຕໍ່ເລື່ອງນີ້?
ທ່ານເກີງສວງກ່າວວ່າ, ໃນຖານະທີ່ເປັນປະເທດໃກ້ຄຽງຂອງແຫຼມເກົາຫຼີ, ຈີນຍິນດີຕ້ອນຮັບ ແລະ ສະໜັບສະໜູນສອງເກົາຫຼີໃຊ້ການກະທຳອັນຕັ້ງໜ້າເພື່ອປົວແປງການພົວພັນໃຫ້ດີ. ຈີນຫວັງໃຫ້ປະຊາຄົມໂລກສະໜັບສະໜູນຕໍ່ເລື່ອງນີ້, ພ້ອມກັນທຳຄວາມພະຍາຍາມເພື່ອຊອກພົບວິທີບັນເກີດຜົນດີເພື່ອຜ່ອນຄາຍສະຖານະການອັນເຄັ່ງຕຶງ, ເພີ່ມທະວີຄວາມໄວ້ເນື້ອເຊື່ອໃຈ ແລະ ຟື້ນຟູການສົນທະນາ.
