ຫຼາຍມື້ມານີ້, ອຸຫະພູມສະເລ່ຍຢູ່ນະຄອນສາງຊຸນ ແຂວງຈີລິນ ທາງພາກຕາເວັນອອກສຽງເໜືອຂອງຈີນໄດ້ຕິດລົບ 15 ອົງສາ. ໃນຫໍໝີແພນດາຂອງສວນເສືອຊີເບຣີ ແຂວງຈີລິນ, ພະນັກງານໄດ້ກຽມພ້ອມແລ້ວເພື່ອໃຫ້ໝີແພນດາສອງໂຕທີ່ມີຊື່ວ່າ ເຈ່ຍເຈ່ຍແລະ ເມີ້ງເມີ້ງ ດຳລົງຊີວິດຢ່າງສຸກສະບາຍໃນໄລຍະລະດູໜາວປີທີສາມຢູ່ໃນສວນດັ່ງກ່າວໂດຍໃນຫໍໝີແພນດາໄດ້ຕິດຕັ້ງແອ, ລະບົບປ່ຽນຖ່າຍອາກາດ ແລະອຸປະກອນອື່ນໆເພື່ອຄວບຄຸມອຸນຫະພູມແລະຄວາມຊຸ່ມຂອງສະຖານທີ່ດຳລົງຊີວິດຂອງໝີແພນດາໃຫ້ໄດ້ມາດຕະຖານຢ່າງເຂັ້ມງວດ. ຜູ້ລ້ຽງໝີແພນດາໄດ້ສີດນ້ຳໃສ່ໄມ້ໄຜ່ເພື່ອຮັກສາຄວາມສົດຂອງມັນ ເຊິ່ງໄດ້ຮັກສາໄວ້ໃນຫ້ອງປັບອຸນຫະພູມຄົງທີ່. ໃນດ້ານອາຫານການກິນ, ທຸກໆ 5 ມື້, ທາງສວນເສືອຊີເບຣີກໍໄດ້ຂົນສົ່ງໄມ້ໄຜ່ 500 ກິໂລທາງອາກາດຈາກແຂວງເສສວນ ທັງໃຫ້ອາຫານເສີມ 4 ໂຕນຕໍ່ມື້ ເພື່ອຮັບປະກັນໝີແພນດາສາມາດກິນອາຫານໄດ້ຢ່າງສົມສ່ວນ ແລະໄດ້ຊິມອາຫານແຊບທີ່ຕົນນິຍົມທີ່ສຸດ.