ພິທີມອບລາງວັນການແຂ່ງຂັນ "ວັດທະນະທຳຈີນກັບຂ້ອຍ" ທີ່ສູນວັດທະນະທຳຈີນສິງກະໂປເປັນເຈົ້າພາບໄດ້ຈັດຂຶ້ນໃນວັນທີ 7 ມັງກອນນີ້, ຜູ້ຊົມຫຼາຍຮ້ອຍຄົນໄປຊົມບົດປະພັນທີ່ໄດ້ຮັບລາງວັນ, ເພື່ອຮັບຟັງຜູ້ໄດ້ຮັບລາງວັນແບ່ງປັນເລື່ອງຂອງຕົນທີ່ໄດ້ສຳພັດກັບວັດທະນະທຳ ຈີນ.
ເພື່ອສະເຫຼີມສະຫຼອງສູນວັດທະນະທຳຈີນຢູ່ສິງກະໂປສ້າງຕັ້ງຂຶ້ນຄົບຮອບ 2 ປີ, ສູນດັ່ງກ່າວໄດ້ຈັດການປະກວດ "ບົດເລື່ອງກ່ຽວກັບວັດທະນະທຳຈີນກັບຂ້ອຍ" ແລະການປະກວດຮູບຖ່າຍ "ການນັດກັນລະຫວ່າງຂ້ອຍກັບວັດທະນະທຳຈີນ". ໂດຍຜ່ານການປ່ອນບັດທາງອິນເຕີເນັດແລະການຕັດສິນຂອງຄະນະກຳມະການ, ໄດ້ເລືອກເອົາລາງວັນຄຳ 1 ຄົນ, ລາງວັນເງິນ 2 ຄົນແລະລາງວັນທອງ 3 ຄົນແລະລາງວັນອື່ນໆຫຼາຍຄົນ, ຜູ້ໄດ້ຮັບລາງວັນມາຈາກສິງກະໂປ, ມາເລເຊຍ, ຝຣັ່ງ, ຈີນແລະອື່ນໆ.
ໂອກາດນີ້, ທ່ານເບຢຳເຄງ, ຮອງລັດຖະມົນຕີກະຊວງວັດທະນະທຳ, ເຂດຊຸມຊົນແລະຊາວໜຸ່ມສິງກະໂປ, ທ່ານຝັງຊິນເວີນ ອຸບປະທູດຊົ່ວຄາວຂອງສະຖານທູດຈີນປະຈຳສິງກະໂປໄດ້ມອບລາງວັນໃຫ້ແກ່ຜູ້ໄດ້ຮັບລາງວັນທັງໝົດໃນຄັ້ງນີ້.