ວັນທີ 7 ມັງກອນນີ້, ເຈົ້າໜ້າທີ່ທະຫານຟິລິບປິນຢືນຢັນວ່າ: ກອງທັບລັດຖະບານໄດ້ຍິງຕໍ່ສູ້ກັບກຸ່ມປະກອບອາວຸດຕ້ານລັດຖະບານ "ນັກຮົບອິດສະຫຼະບັງສະໂມໂຣ ອິດສະລາມ" ຢູ່ແຂວງມະກິນດານາວເນົາພາກໃຕ້ຟິລິບປິນໃນຕອນບ່າຍວັນທີ 6 ມັງກອນນີ້ ສົ່ງຜົນເຮັດໃຫ້ທະຫານລັດຖະບານ 1 ຄົນ ແລະກຸ່ມຜູ້ປະກອບອາວຸດ 9 ຄົນເສຍຊີວິດ.
ທ່ານອະວິນ ເອິນສິນັສ ໂຄສົກກອງພົນທະຫານຮາບທີ 6 ຂອງກອງທັບບົກຟິລິບປິນກ່າວວ່າ: ໃນເວລາ 19 ໂມງວັນທີ 6 ມັງກອນນີ້, ກອງທັບລັດຖະບານໄດ້ຍິງຕໍ່ສູ້ກັບກຸ່ມປະກອບອາວຸດຕ້ານລັດຖະບານ "ນັກຮົບອິດສະຫຼະບັງສະໂມໂຣ ອິດສະລາມ" ປະມານ 50 ຄົນ ທີ່ຢາກຫຼອນໂຈມຕີຄ້າຍທະຫານລັດຖະບານຢູ່ບ້ານແຫ່ງໜຶ່ງຫ່າງໄກສອກຫຼີກແຂວງມະກິນດານາວ.
ທ່ານກ່າວຕື່ມວ່າ: ການຍິງຕໍ່ສູ້ກັນແກ່ຍາວເຖິງກາງຄືນ ເຊິ່ງໄດ້ເຮັດໃຫ້ກຸ່ມປະກອບອາວຸດ 9 ຄົນເສຍຊີວິດ, ສ່ວນເຫຼືອນັ້ນໄດ້ຫຼົບໜີ ແລະທະຫານລັດຖະບານເສຍຊີວິດ 1 ຄົນ, ຖືກບາດເຈັບ 1 ຄົນ.