ກອງປະຊຸມສຸດຍອດການອົບຮົມຜູ້ມີຄວາມຮູ້ຄວາມສາມາດຂັ້ນສູງ ແລະ ການພັດທະນາຂະແໜງການຢ່າງມີຫົວຄິດປະດິດສ້າງຂະແໜງການໄປສະນີ ແລະ ການບໍລິການສົ່ງເມດ່ວນໄດ້ຈັດຂຶ້ນຢູ່ນະຄອນຫຼວງປັກກິ່ງປະເທດຈີນໃນວັນທີ 7 ມັງກອນນີ້.
ໃນ 5 ປີຜ່ານມານີ້, ປະລິມານໜ້າວຽກ ແລະ ລາຍຮັບຂອງຂະແໜງການໄປສະນີຂອງຈີນໄດ້ເພີ່ມຂຶ້ນ 3,6 ເທົ່າ ແລະ 2,7 ເທົ່າຕາມລຳດັບ, ໃນນັ້ນ, ປະລິມານໜ້າວຽກການບໍລິການສົ່ງເມດ່ວນຂອງຈີນໄດ້ເປັນອັນດັບໜຶ່ງຂອງໂລກ 3 ປີລຽນຕິດ ແລະ ໄດ້ປະກອບສ່ວນ 40% ຕໍ່ການເຕີບໂຕຂອງຂະແໜງການສົ່ງເມດ່ວນຂອງໂລກ. ມາຮອດປັດຈຸບັນ, ວິສາຫະກິດສົ່ງເມດ່ວນທີ່ລົງທະບຽນຂອງຈີນມີເຖິງ 2 ໝື່ນ 2 ພັນກວ່າແຫ່ງ, ສະເລ່ຍແລ້ວມື້ໜຶ່ງສາມາດສົ່ງເຄື່ອງໄດ້ 100 ລ້ານອັນ ແລະ ສົ່ງໃຫ້ເຖິງລູກຄ້າພາຍໃນ 3 ວັນເທົ່ານັ້ນ.
ໃນຂະບວນການພັດທະນາແບບກ້າວກະໂດດ, ເຕັກນິກກ້າວໜ້າຕ່າງໆ ເຊັ່ນ: ຖານຂໍ້ມູນໃຫຍ່, ຮຸ່ນຍົນອັດສະລິຍະ, IOT ແລະ ຄຳນວນແບບຄລາວ ໄດ້ຖືກນຳໃຊ້ຢ່າງກວ້າງຂວາງ. ຂະນະດຽວກັນ, ຫຼາຍວິສາຫະກິດສົ່ງເມດ່ວນຍັງໄດ້ເພີ່ມການລົງທຶນເຂົ້າໃນການຄົ້ນຄວ້າວິທະຍາສາດ ເພື່ອຍົກລະດັບການນຳໃຊ້ເຕັກໂນໂລຊີຂອງບໍລິສັດໃຫ້ສູງຂຶ້ນ.