ເວລາ 11 ໂມງ 24 ນາທີ ຂອງວັນທີ 9 ມັງກອນ 2018 ນີ້, ຢູ່ສູນສົ່ງດາວທຽມໄທຢວນ, ຈີນໄດ້ສົ່ງດາວທຽມ"ກ່າວຈິງ1"03ແລະ"ກ່າວຈິງ1"04 ດ້ວຍຈະຫຼວດສົ່ງຍານສາງເຈິ່ງ2D ຂຶ້ນສູ່ວົງໂຄຈອນຢ່າງສຳເລັດຜົນ ເຊິ່ງຖືວ່າ ການບິນອະວະກາດຈີນໄດ້ປະສົບຜົນສຳເລັດຢ່າງຈົບງາມໃນການປະຕິບັດໜ້າທີ່ການຍິງສົ່ງເທື່ອທຳອິດໃນປີ 2018 ນີ້. ເຊິ່ງການປະຕິບັດໜ້າທີ່ຄັ້ງນີ້ເປັນການຍິງສົ່ງດາວທຽມສຳຫຼວດໄລຍະທາງໄກ ທີ່ຄົ້ນຄວ້າຜະລິດໂດຍ ກຸ່ມບໍລິສັດວິທະຍາສາດເຕັກນິກການບິນອະວະກາດຈີນນັ້ນເປັນຄັ້ງທີສອງ ແລະຈຸດປະສົງກໍເພື່ອຄົ້ນຄວ້າການບັນລຸເປົ້າໝາຍການດຳເນີນທຸລະກິດຂອງດາວທຽມສຳຫຼວດໄລຍະທາງໄກທີ່ມີຄວາມຊັດເຈນສູງ.
ຕາມຂ່າວແຈ້ງວ່າ: ຫຼັງສຳເລັດການກວດກາທົດລອງຕາມວົງໂຄຈອນແລ້ວ, ດາວທຽມດັ່ງກ່າວຈະ ບໍລິການລູກຄ້າໃນຂອບເຂດທົ່ວໂລກໃນດ້ານຂໍ້ມູນສຳຫຼວດໄລຍະທາງໄກແລະວິທີແກ້ໄຂລະບົບປະຍຸກ ກໍຄືການບໍລິການມູນຄ່າເພີ່ມທີ່ເນັ້ນໃສ່ການສຳຫຼວດຊັບພະຍາກອນທີ່ດິນ, ການສຳຫຼວດ,ວັດແທກແລະແຕ້ມແຜນທີ່, ການຕິດຕາມວັດແທກສິ່ງແວດລ້ອມ, ການປະກັນໄພການເງິນແລະຂະແໜງການອິນເຕີເນັດ.