ນັບແຕ່ວັນທີ 7 ຫາ 9 ມັງກອນນີ້, ທ່ານເມິ້ງສຽງເຟິ່ງ ຮອງຫ້ອງໜ້າຫ້ອງວ່າການສູນກາງພັກກອມມູນິດຈີນໄດ້ນຳພາຄະນະຜູ້ແທນໄປຢ້ຽມຢາມໄທ ແລະ ໄດ້ພົບປະກັບທ່ານສົມຄິດ ຈະຕຸສີພິທັກ ຮອງນາຍົກລັດຖະມົນຕີໄທ ແລະ ຜູ້ນຳພັກປະຊາທິປັດ ແລະ ພັກເພື່ອໄທ ພ້ອມທັງເຂົ້າຮ່ວມກອງປະຊຸມ ເພື່ອໂຄສະນາເຜີຍແຜ່ຈິດໃຈກອງປະຊຸມໃຫຍ່ຄັ້ງທີ 19 ຂອງສູນກາງພັກກອມມູນິດຈີນຢ່າງກວ້າງຂວາງໃຫ້ແກ່ວົງການຕ່າງໆໃນສັງຄົມໄທ.
ຝ່າຍໄທໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດລັກສະນະປະຫວັດສາດທີ່ຈີນໄດ້ຮັບ ແຕ່ກອງປະຊຸມໃຫຍ່ຄັ້ງທີ 18 ຂອງພັກເປັນຕົ້ນມາ ແລະ ຕີລາຄາສູງຕໍ່ຄວາມໝາຍສຳຄັນຂອງກອງປະຊຸມໃຫຍ່ຄັ້ງທີ 19 ແລະ ອິດທິພົນຂອງແນວຄິດສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ທີ່ມີຕໍ່ໂລກ ພ້ອມທັງກ່າວວ່າ, ຫວັງຢາກຖອດຖອນບົດຮຽນດ້ານການປົກຄອງປະເທດ ແລະ ບໍລິຫານການເມືອງຂອງສູນກາງພັກກອມມູນິດຈີນ, ຕັ້ງໜ້າຄົ້ນຄວ້າເສັ້ນທາງພັດທະນາທີ່ສອດຄ່ອງກັບສະພາບຄວາມເປັນຈິງຂອງປະເທດຕົນໃຫ້ດີກວ່າເກົ່າ.