ກິດຈະກຳນັກຂ່າວອາຊຽນເກັບກຳຂ່າວຢູ່ຈີນ 2018 ເຊິ່ງແມ່ນອົງການທ່ອງທ່ຽວແຫ່ງຊາດຈີນ ແລະ ວິທະຍຸສາກົນແຫ່ງປະເທດຈີນ ຫຼື CRI ຮ່ວມກັນເປັນເຈົ້າພາບຈັດຂຶ້ນໄດ້ເລີ່ມຂຶ້ນຢູ່ນະຄອນຫຼວງປັກກິ່ງປະເທດຈີນໃນວັນທີ 8 ມັງກອນນີ້.
ໃນໄລຍະເປັນເວລາ 5 ວັນ, ນັກຂ່າວຈາກ 9 ປະເທດອາຊຽນ ແລະ ນັກຂ່າວ CRI ທັງໝົດ 36 ຄົນຈະແບ່ງເປັນສອງກຸ່ມ, ກຸ່ມໜຶ່ງໄປເກັບກຳຂ່າວຢູ່ກຳແພງນະຄອນຊຽງໄຮ ແລະ ນະຄອນຫາງໂຈ່ວ, ອີກກຸ່ມໜຶ່ງໄປເກັບກຳຂ່າວຢູ່ນະຄອນຮາປິນ ແລະ ສວນສາທາລະນະປ່າໄມ້ແຫ່ງຊາດທີ່ໄດ້ຂະໜານນາມວ່າ "ບ້ານຫິມະ". ກິດຈະກຳເທື່ອນີ້ເພື່ອສະຫຼຸບ ແລະ ລາຍງານຂ່າວກ່ຽວກັບຜົນການຮ່ວມມືປີທ່ອງທ່ຽວຈີນ-ອາຊຽນ 2017 ແລະ ຄົ້ນຄວ້າທິດທາງການຮ່ວມມືດ້ານການທ່ອງທ່ຽວໃໝ່ລະຫວ່າງສອງຝ່າຍ.
