ພິ​ທີ​ມອບ​ຮັບ​ເລ​ຂາ​ທິ​ການ​ໃຫຍ່​ອາ​ຊຽນຜູ້​ໃໝ່ ແລະ ພິ​ທີ​ເລີ່ມ​ກໍ່​ສ້າງ​ອາ​ຄານ​ໃໝ່​ຂອງ​ສຳ​ນັກ​ເລ​ຂາ​ອາ​ຊຽນ​ຈັດ​ຂຶ້ນຢູ່​ນະ​ຄອນ​ຫຼວງ​ຈາ​ກາ​ຕາ
2018-01-10 15:52:36  cri 
ເວັບ​ໄຊ​ຄະ​ນະ​ທູ​ຕາ​ນຸ​ທູດ​ຈີນ​ປະ​ຈຳ​ອາ​ຊຽນ​ໄດ້​ໃຫ້​ຮູ້​ວ່າ: ໃນ​ອາ​ທິດ​ຜ່ານ​ມາ, ພິ​ທີ​ມອບ​ຮັບ​ວຽກ​ງານ​ເລ​ຂາ​ທິ​ການ​ໃຫຍ່​ອາ​ຊຽນ​ຜູ້​ໃໝ່ ແລະ ພິ​ທີ​ເລີ່ມ​ກໍ່​ສ້າງ​ອາ​ຄານ​ໃໝ່​ຂອງ​ສຳ​ນັກ​ເລ​ຂາ​ອາ​ຊຽນໄດ້​ຈັດ​ຂຶ້ນ​ຢູ່​ນະ​ຄອນ​ຫຼວງ​ຈາ​ກາ​ຕາ​ປະ​ເທດ​ອິນ​ໂດ​ເນ​ເຊຍ​.

ທ່ານ ລິມຈ໋ອກ​ຮຸຍ ເລ​ຂາ​ທິ​ການ​ໃຫຍ່​ອາ​ຊຽນ​​ຜູ້​ໃໝ່ ແລະ ທ່ານ​ ເລ​ເລືອງ​ມິງ ອະ​ດີດ​ເລ​ຂາ​ທິ​ການ​ໃຫຍ່​ອາ​ຊຽນ​ໄດ້​ເຂົ້າ​ຮ່ວມ​ພິ​ທີ​ມອບ​ຮັບ​ວຽກ​ງານ ແລະພິ​ທີ​ເລີ່ມ​ກໍ່​ສ້າງ​ອາ​ຄານ​ໃໝ່​ຂອງ​ສຳ​ນັກ​ເລ​ຂາ​ອາ​ຊຽນ​ທີ່​ຈັດ​ຂຶ້ນ​ຕາມ​​ລຳ​ດັບ.

ທ່ານ ເຣັດ​ໂນ ມາ​ຊຸ​ດີ ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ອິນ​ໂດ​ເນ​ເຊຍ ເອກ​ອັກ​ຄະ​ລັດ​ຖະ​ທູດ​ແລະ​ຜູ້​ຕາງ​ໜ້າ​ຖາ​ວອນ​ຂອງ​ປະ​ເທດ​ອາ​ຊຽນ​ກໍ​ຄື​ປະ​ເທດ​ຄູ່​ເຈ​ລະ​ຈາ, ເຈົ້າ​ໜ້າ​ທີ່​ອາ​ວຸ​ໂສ​ຂອງ​ສຳ​ນັກ​ເລ​ຂາ​ອາ​ຊຽນ​ແລະ​ອື່ນ​ໆ​ໄດ້​ເຂົ້າ​ຮ່ວມ​ພິ​ທີ​ດັ່ງ​ກ່າວ. ທ່ານ​ນາງ ຈຽງ​ຊິນ ​ອຸ​ປະທູດ​ຊົ່ວ​ຄາວ​ຂອງ​ຄະ​ນະ​ທູ​ຕາ​ນຸ​ທູດ​ຈີນ​ປະ​ຈຳ​ອາ​ຊຽນ​ກໍ່​ໄດ້​ເຂົ້າ​ຮ່ວມ​ພິ​ທີ​ຕາມ​ຄຳ​ເຊີນ​ເຊັ່ນ​ດຽວ​ກັນ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ