ໄຂ​ກອງ​ປະ​ຊຸມຜູ້​ນຳ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ຄັ້ງ​ທີ 2
2018-01-10 21:14:21  cri 
ກອງ​ປະ​ຊຸມຜູ້​ນຳ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ຄັ້ງ​ທີ 2 ໄດ້​ໄຂ​ຂຶ້ນ​ຢູ່​ນະ​ຄອນ​ຫຼວງ​ພະ​ນົມ​ເປັນ​ປະ​ເທດ​ກຳ​ປູ​ເຈຍໃນວັນ​ທີ 10 ມັງ​ກອນ​ນີ້, ໂດຍທ່ານ​ຫຼີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ​ແລະ​ທ່ານ​ຮຸນ​ແຊນ ນາ​ຍົກ​ລັດ​ຖະ​ມົນ​ຕີ​ກຳ​ປູ​ເຈຍ​ເປັນ​ປະ​ທານ​ຮ່ວມ.

ກອງ​ປະ​ຊຸມ​ຄັ້ງ​​ນີ້ໄດ້​ເນັ້ນ​ຫົວ​ຂໍ້ "ແມ່​ນ້ຳ​ສັນ​ຕິ​ພາບ​ແລະ​ພັດ​ທະ​ນາ​ແບບ​ຍືນ​ຍົງ​ຂອງ​ພວກ​ເຮົາ", ​ແລະຈະ​ທົບ​ທວນ​ຄືນ​ຄວາມ​ຄືບ​ໜ້າ​ຂອງ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ແລະ​ວາງ​ແຜນ​ພັດ​ທະ​ນາ​ໃນ​ອະ​ນາ​ຄົດ, ຊຸກ​ຍູ້​ໃຫ້​ກົນ​ໄກ​ຮ່ວມ​ມື​ດັ່ງ​ກ່າວ​ຈາກ​ໄລ​ຍະ​ອົບ​ຮົມກໍ່​ສ້າງ​​ກ້າວ​ສູ່​ໄລ​ຍະ​ເຕີບ​ໂຕ​ຢ່າງ​ສະ​ດວກ.

ກອງ​ປະ​ຊຸມ​ຈະເຜີຍ​ແຜ່ເອ​ກະ​ສານ​ຮ່ວມ​ມື​ສຳ​ຄັນ​ສອງ​ສະ​ບັບ​ຄື "ແຜນ​​ປະ​ຕິ​ບັດ​ງານ 5 ປີ​ວ່າ​ດ້ວຍ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ" ແລະ "ຖະ​ແຫຼງ​ການ​ພະ​ນົມ​ເປັນ​ຂອງກອງ​ປະ​ຊຸມຜູ້​ນຳ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ຄັ້ງ​ທີ 2", ​ແລະ​ຈະ​ແຈກ​ຢາຍ "ລາຍ​ຊື​ໂຄງ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງງວດ​ທີ​ສອງ" ແລະ "ບົດ​ລາຍ​ງານ​ໜ່ວຍ​ງານ​ປະ​ສົມ​ ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ໃນ 6 ຂົງ​ເຂດ​ບູ​ລິ​ມະ​ສິດ."
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ