ອັດຕາ​ແລກ​ປ່ຽນ​​ເງິນ​ບາດ​ຕໍ່​ໂດ​ລາ​ບັນ​ລຸ​ສະຖິຕິ​ສູູງສຸດ​ໃໝ່​ໃນ​ໄລຍະ 3 ປີຜ່ານມາ
2018-01-10 15:40:51  cri 
ມໍ່ໆ​ມາ​ນີ້, ​ເງິນ​ບາດ​ໄທ​ສືບ​ຕໍ່​ເພີ່ມ​ຂຶ້ນ, ​ໃນ​ວັນ​ທີ 9 ມັງກອນ​ນີ້, ອັດຕາ​ແລກປ່ຽນ​ເງິນ​ບາດ​ຕໍ່​ໂດ​ລາ​ສະຫະລັດ​ບັນລຸ​ເຖິງ 32,20 ບາດຕໍ່ 1 ​ໂດ​ລາ​ສະຫະລັດ, ສ້າງ​ສະຖິຕິ​ສູງ​ສຸດ​ໃໝ່​ໃນ​ໄລຍະ 3 ປີຜ່ານມາ.

ສູນ​ຄົ້ນຄວ້າ​ເສດຖະກິດ​ໄທ​ອອກ​ລາຍ​ງານ​ວ່າ: ມໍ່ໆ​ມາ​ນີ້, ​ອັດຕາ​ແລກປ່ຽນ​ເງິນ​ບາດສືບ​ຕໍ່​ເພີ່ມ​ຂຶ້ນ ​ທີ່ສອດ​ຄ່ອງ​ກັບ​ສະພາບການ​ໄຫຼ​ເຂົ້າຂອງ​ເງິນ​ທຶນ. ເນື່ອງ​ຈາກ​​ເສ​ດຖະກິດ​ໄທມີທ່າ​ອ່ຽງທີ່​ດີ ​ເງິນທຶນ​ໄຫຼ​ເຂົ້າ​ຕະຫຼາດ​ຫຸ້ນ ​ແລະ​ຕະຫຼາດ​ໜີ້​ສິນ​ຂອງ​ໄທຢ່າງ​ຕໍ່​ເນື່ອງ.

ອົງການ​ດັ່ງ​ກ່າວກ່າວ​ເຕືອນ​​ວ່າ ຄວນ​ເອົາ​​ໃຈ​ໃສ່​ສະພາບ​ການ​​ເຄື່ອນ​ໄຫວ​ຂອງ​ເງິນ​ບາດ​ໃນ​ປີ​ນີ້. ສະພາບ​ລາຍ​ຮັບລາຍ​ຈ່າຍ​​​ໃນ​ດ້ານ​ລາຍການ​ກະ​ແສ​ລາຍ​ວັນ, ສຳຮອງອາ​ເມ​ລິ​ກາ ຫຼື FED ເພີ່ມດອກ​ເບ້ຍ, ທ່າ​ອ່ຽງລາຄາ​ນ້ຳມັນ​ສາກົນ ​ແລະ​ອື່ນໆ​ກໍ​ອາດ​ສົ່ງ​ຜົນ​ສະທ້ອນ​ຕໍ່​ອັດ​ຕາ​ແລກປ່ຽນ​​ເງິນບາດ.

ທະນາຄານ​ກາງ​ໄທ​ກ່າວ���ວ່າ: ຈະ​ເອົາ​ໃຈ​ໃສ່​ທ່າ​ອ່ຽງຂອງ​ອັດ​ຕາ​ແລກ​ປ່ຽນ​ເງິນ​ບາດ​ຢ່າງ​ແໜ້ນ​​​ແຟ້ນ, ຖ້າ​​ເພີ່ມ​ຂຶ້ນ​​ໄວ​ໂພດ ທະນາຄານ​ຕົນ​ກໍຈະ​​ດຳ​ເນີນ​ການ​ຄວບຄຸມ​ໃຫ້​ຢູ່​ໃນ​ລະດັບ​ທີ່​ເໝາະ​ສົມ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ