ຝຣັ່ງເຂົ້າຮ່ວມການສ້າງ "ໜຶ່ງແລວທາງໜຶ່ງເສັ້ນທາງ" ຈະມີຜົນດີຊ່ວຍໃຫ້ເປີດກວ້າງຊ່ອງຫວ່າງການພັດທະນາຂອງຕົນ
2018-01-10 10:00:46 cri
ໂດຍແນໃສ່ຄວາມເວົ້າສະໜັບສະໜູນການສ້າງ "ໜຶ່ງແລວທາງໜຶ່ງເສັ້ນທາງ" ຂອງທ່ານມາຄຣົງ ປະທານາທິບໍດີຝຣັ່ງ, ທ່ານລູ້ຄ່າງ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວທີ່ຈັດຂຶ້ນໃນວັນທີ 9 ມັງກອນນີ້ວ່າ, ຝຣັ່ງເຂົ້າຮ່ວມການສ້າງ "ໜຶ່ງແລວທາງໜຶ່ງເສັ້ນທາງ" ຈະມີຜົນດີຊ່ວຍໃຫ້ເປີດກວ້າງຊ່ອງຫວ່າງການພັດທະນາຂອງຕົນ, ເປີດກວ້າງຊ່ອງຫວ່າງການຮ່ວມມືສາກົນ, ເປີດກວ້າງການຮ່ວມມືຕົວຈິງລະຫວ່າງຈີນກັບຝຣັ່ງ ແລະ ບັນລຸໃຫ້ຕ່າງຝ່າຍຕ່າງມີຜົນປະໂຫຍດໃນລະດັບທີ່ສູງກວ່າເກົ່າ. ຈີນຍິນດີຮ່ວມກັບບັນດາຝ່າຍ ເຊິ່ງລວມທັງຝຣັ່ງ, ສືບຕໍ່ຊຸກຍູ້ການສ້າງ "ໜຶ່ງແລວທາງໜຶ່ງເສັ້ນທາງ" ບົນຫຼັກການປຶກສາຮ່ວມກັນ, ສ້າງສາຮ່ວມກັນ ແລະ ຊົມໃຊ້ຮ່ວມກັນ ເພື່ອສ້າງໂອກາດຫຼາຍກວ່າເກົ່າໃຫ້ແກ່ການພັດທະນາຂອງບັນດາປະເທດໃນໂລກ, ການເຕີບໂຕຂອງເສດຖະກິດໂລກ ແລະ ເປີດອະນາຄົດທີ່ກວ້າງຂວາງກວ່າເກົ່າ ເພື່ອຊຸກຍູ້ໃຫ້ອະລິຍະທຳຕ່າງໆຈະເລີນຮຸ່ງເຮືອງຮ່ວມກັນ.