ກອງ​ປະ​ຊຸມ​ເຈົ້າ​ໜ້າ​ທີ່​ອາ​ວຸ​ໂສ​ກ່ຽວ​ກັບ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ຈັດ​ຂຶ້ນ​ຢູ່​ນະ​ຄອນຫຼວງ​ພະ​ນົມ​ເປັນ
2018-01-10 11:04:01  cri 
ກອງ​ປະ​ຊຸມ​ເຈົ້າ​ໜ້າ​ທີ່​ອາ​ວຸ​ໂສ​ກ່ຽວ​ກັບ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ຈັດ​ຂຶ້ນ​ຢູ່​ນະ​ຄອນຫຼວງ​ພະ​ນົມ​ເປັນປະ​ເທດ​ກຳ​ປູ​ເຈຍໃນ​ວັນ​ທີ 9 ມັງ​ກອນ​ນີ້ ເຊິ່ງກອງ​ປະ​ຊຸມ​ຄັ້ງ​ນີ້ໄດ້​ພິ​ຈາ​ລະ​ນາ​ຜົນ​ສຳ​ເລັດ​ສຳ​ຄັນຫຼາຍ​ສະ​ບັບ​ທີ່​ຈະ​ເຜີຍ​ແຜ່​ໃນ​ກອງ​ປະ​ຊຸມ​ສຸດຍອດ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ຄັ້ງ​ທີ 2 ແລະ ​ກະ​ກຽມ​ເພື່ອກອງ​ປະ​ຊຸມ​ສຸດຍອດ.

ກອງ​ປະ​ຊຸມ​ອາ​ວຸ​ໂສ​ຄັ້ງ​ນີ້​ທ່ານ​ຮວງ​ຊີ​ລຽນ ເຈົ້າ​ໜ້າ​ທີ່​ອາ​ວຸ​ໂສວ່າ​ການ​ແທນ​ຝ່າຍ​ຈີນ​ໃນ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​​ນ້ຳຂອງ ຮອງ​ຫົວ​ໜ້າ​ກົມ​ອາ​ຊີ​ກະ​ຊວງ​ການ​ຕ່າງ​ປະ​ເທດ​ຈີນ ແລະ ທ່ານສົກ​ສີ​ພະ​ນາ  ທີ່​ປຶກ​ສາ​ແຫ່ງ​ລັດ​ກຳ​ປູ​ເຈຍ​ຮ່ວມ​ກັນ​ເປັນ​ປະ​ທານກອງ​ປະ​ຊຸມ ໂດຍ​ມີເຈົ້າ​ໜ້າ​ທີ່​ອາ​ວຸ​ໂສ​ລາວ, ມຽນ​ມາ, ໄທ ແລະ​ຫວຽດ​ນາມ​ໄດ້​ເຂົ້າ​ຮ່ວມ.

ທ່ານ​ຮວງ​ຊີ​ລຽນ​ກ່າວ​ວ່າ, ກອ​ງ​ປະ​ຊຸມ​ສຸດຍອດ​ຄັ້ງ​ທີ 2 ຈະ​ເຜີຍ​ແຜ່​ຜົນ​ສຳ​ເລັດ​ສຳ​ຄັນຫຼາຍ​ສະ​ບັບ ເຊິ່ງ​ລວມ​ທັງ "ແຜນ​ການ​ດຳ​ເນີນ​ງານ 5 ປີ ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ", "​ຖະ​ແຫຼງ​ການ​ພະ​ນົມ​ເປັນ​ກອ​ງ​ປະ​ຊຸມ​ສຸດຍອດ​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ຄັ້ງ​ທີ 2 " ແລະ​ອື່ນໆ.

ເຈົ້າ​ໜ້າ​ທີ່​ກະ​ຊວງ​ການ​ຕ່າງ​ປະ​ເທດ ແລະ ການ​ຮ່ວມ​ມື​ສາ​ກົນ​ກຳ​ປູ​ເຈຍ​ເປີດ​ເຜີຍ​ວ່າ, ກອ​ງ​ປະ​ຊຸມ​ສຸດຍອດ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ຄັ້ງ​ທີ 2 ຈະ​ຈັດ​ຂຶ້ນ​ຢູ່​ທຳ​ນຽບ​ສັນ​ຕິ​ພາບ​ພະ​ນົມ​ເປັນ​ໃນ​ຕອນ​ບ່າຍ​ວັນ​ທີ 10 ມັງ​ກອນ​ນີ້ ແລະ ຈະ​ປຶກ​ສາ​ຫາ​ລື​ກັນ​ໃນ​ຫົວ​ຂໍ້ "ແມ່​ນ້ຳ​ແຫ່ງ​ສັນ​ຕິ​ພາບ​ແລະ​ການ​ພັດ​ທະ​ນາ​ແບບ​ຍືນ​ຍົງ​ຂອງ​ພວກ​ເຮົາ".
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ