ໄທ​ສິ້ນ​ສຸດ​ການ​ຂຶ້ນ​ທະ​ບຽນດ້ວຍ​ຊື່​ຈິງ​ໃຫ້​ແກ່​ຍົນ​ບໍ່​ມີ​ຄົນ​ຂັບ
2018-01-10 11:05:08  cri 
ການ​ຂຶ້ນ​ທະ​ບຽນ​ດ້ວຍ​ຊື່​ຈິງ​ໃຫ້​ແກ່​ຍົນ​ບໍ່​ມີ​ຄົນ​ຂັບ​ຂອງ​ໄທ​ໄດ້​ສິ້ນ​ສຸດ​ລົງ​ໃນ​ວັນ​ທີ 9 ມັງ​ກອນ​ນີ້, ແຕ່​ນັກ​ທ່ອ​ງ​ທ່ຽວ​ຕ່າງ​ປະ​ເທດ​ທີ່​ນຳ​ເອົາ​ຍົນ​ບໍ່​ມີ​ຄົນ​ຂັບ​ຈາກ​ຕ່າງ​ປະ​ເທດ​ຍັງ​ສາ​ມາດ​ຂຶ້ນ​ທະ​ບຽນ​ດ້ວຍ​ຊື່​ຈິງ​ໄດ້.

ເດືອນ​ຕຸ​ລາ​ປີ​ຜ່ານ​ມາ, ຄະ​ນະ​ກຳ​ມະ​ການ​ວິ​ທະ​ຍຸ ແລະ ໂທ​ລະ​ຄົມ​ແຫ່ງ​ຊາດ​ໄທ​ເຄີຍ​ອອກ​ຄຳ​ສັ່ງ​ໃຫ້​ຜູ້​ໃຊ້​ຍົນ​ບໍ່​ມີ​ຄົນ​ຂັບ​ຂຶ້ນ​ທະ​ບຽນ​ດ້ວຍ​ຊື່​ຈິງ​ພາຍ​ໃນ 90 ວັນ ຄື​ແຕ່​ວັນ​ທີ 11 ຕຸ​ລາ​ປີ 2017 ເປັນ​ຕົ້ນ​ໄປ, ຜູ້​ທີ່​ບໍ່​ຂຶ້ນ​ທະ​ບຽນ​ຈະ​ຖືກ​ຕັດ​ສິນ​ຕິດ​ຄຸກ​ສູງ​ສຸດ 5 ປີ ຫຼື ປັບ​ໄໝ 1 ແສນ​ບາດ. ແຕ່​ຍົນ​ບໍ່​ມີ​ຄົນ​ຂັບ​ທີ່​ມີ​ນ້ຳ​ໜັກ​ຕ່ຳ​ກວ່າ 250 ກະ​ລາມ​ຈະ​ບໍ່​ຕ້ອງ​ຂຶ້ນ​ທະ​ບຽນ.

​ຕາມສື່ມວນ​ຊົນ​ໄທ​ໃຫ້​ຮູ້​ວ່າ, ຕາມ​​ສະ​ຖິ​ຕິທີ່​ບໍ່​ຄົບ​ຖ້ວນ, ມາ​ຮອດ​ວັນ​ທີ 3 ມັງ​ກອນ​ນີ້, ພາກ​ສ່ວນ​ທີ່​ກ່ຽວ​ຂ້ອງ​ໄດ້​ຂຶ້ນ​ທະ​ບຽນ​ດ້ວຍ​ຊື່​ຈິງ​ໃຫ້​ແກ່​ຍົນ​ບໍ່​ມີ​ຄົນ​ຂັບ 7064 ລຳ​ແລ້ວ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ