ວັນທີ 10 ມັງກອນນີ້, ຢູ່ນະຄອນຢິນສວນ ເຂດປົກຄອງຕົນເອງເຜົ່າຮຸຍໜິງເຊ້ຍ ສປ ຈີນ, ບໍລິສັດ BYD ແລະບໍລິສັດຮວາເຫວີຍໄດ້ຮ່ວມກັນປະກາດລະບົບລົດໄຟລາງດ່ຽວ ຫຼືskyrail ລະບົບທຳອິດແບບບໍ່ມີຄົນຂັບ ທີ່ເປັນຊັບສິນທາງເປັນຍາຂອງຈີນ 100%. ຂະນະດຽວກັນ, ເສັ້ນທາງລົດໄຟທີ່ຕິດຕັ້ງລະບົບດັ່ງກ່າວສາຍທຳອິດກໍໄດ້ເປີດບໍລິການຢ່າງເປັນທາງການຢູ່ນະຄອນຢິນສວນ.
Skyrail ເປັນລະບົບຄົມມະນາຄົມມີລາງທີ່ບັນທຸກຈຳນວນຜູ້ໂດຍສານລະດັບກາງແລະນ້ອຍ,ສາມາດນຳໃຊ້ເຂົ້າໃນທາງລົດໄຟສາຍຫຼັກໃນຕົວເມືອງຂະໜາດກາງແລະນ້ອຍ ແລະທາງລົດໄຟສາຍເພີ່ມໃນຕົວເມືອງໃຫຍ່ແລະລະດັບກາງແລະອື່ນໆ. ສ່ວນ Skyrail ທີ່ປະກາດໃຊ້ໃນຄັ້ງນີ້ໄດ້ບັນລຸເປົ້າໝາຍການແລ່ນລົດແບບອັດຕະໂນມັດໂດຍບໍ່ມີຄົນຂັບ ທັງມີຄຸນປະໂຫຍດໃນຫຼາຍດ້ານເຊັ່ນ ຮັກສາໄລຍະຫ່າງລະຫວ່າງຂະບວນລົດທີ່ບໍ່ມີຄົນຂັບໃຫ້ມີຄວາມປອດໄພ, ແລ່ນລົດໂດຍບໍ່ມີຄົນຂັບ ໃນກໍລະນີທີ່ໄຟຟ້າຂາດ, ກວດບັນຫາດ້ານເຕັກນິກໂດຍອັດຕະໂນມັດ, ຕິດຕາມປະລິມານຜູ້ໂດຍສານໄດ້ທຸກເວລາ, ການຈຳແນກໃບໜ້າຂອງຄົນແລະອື່ນໆ.
