ວັນທີ 10 ມັງກອນນີ້, ທ່ານ ຮານສ໌ ເດດມາ ສະເວັສກຸດ ເອກອັກຄະລັດຖະທູດສະຫະພາບເອີຣົບປະຈຳຈີນກ່າວວ່າ, ປີໃໝ່ນີ້, ສະຫະພາບເອີຣົບຫວັງຢາກຈະລົງເລິກການຮ່ວມມືດ້ານການເຊື່ອມຈອດກັນກັບຈີນຕື່ມອີກ ແລະປັດຈຸບັນ ສະຫະພາບເອີຣົບກຳລັງວາງແຜນການວ່າດ້ວຍການເຊືື່ອມຈອດກັນຂອງແຜ່ນດິນໃຫຍ່ເອີຣົບ-ອາຊີ ເພື່ອເຊື່ອມຕໍ່ກັບຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ".
ທ່ານ ສະເວັສກຸດ ກ່າວໃນກອງປະຊຸມຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງວ່າ, ສະຫະພາບເອີຣົບ ສະໜັບສະໜູບຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ", ຫວັງວ່າຈະຮ່ວມກັນຊຸກຍູ້ການເຕີບໂຕແລະຄວາມຈະເລີນຮຸ່ງເຮືອງຂອງແຜ່ນດິນໃຫຍ່ເອີຣົບ-ອາຊີ. ປີ 2015 ຜູ້ນຳຈີນແລະສະຫະພາບເອີຣົບ ເຫັນດີເພີ່ມທະວີການຕິດຕໍ່ພົວພັນໃນຂົງເຂດພື້ນຖານໂຄງລ່າງ ແລະຕົກລົງສ້າງ "ເວທີການຮ່ວມມືເຊື່ອມຈອດກັນ". ໃນໄລຍະໄຂກອງປະຊຸມເວທີປຶກສາຫາລືສຸດຍອດການຮ່ວມມືສາກົນ "ໜຶ່ງແລວທາງໜຶ່ງເສັ້ນທາງ" ເມື່ອເດືອນພຶດສະພາປີຜ່ານມາ, ສະຫະພາບເອີຣົບແລະຈີນ ໄດ້ຮ່ວມກັນກຳນົດຫຼັກການທີ່ມີລັກສະນະຊີ້ນຳຈຳນວນໜຶ່ງ, ລວມທັງການເປີດປະຕູ, ໂປ່ງໃສ, ການທະນາຄານ ແລະການພັດທະນາແບບຍືນຍົງຂອງສິ່ງແວດລ້ອມ.
 |
