ໄຂ​ກອງ​ປະ​ຊຸມ​ຜູ້​ນຳຂອງ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ຄັ້ງ​ທີ 2
2018-01-11 16:30:06  cri 
    ກອງ​ປະ​ຊຸມ​ຜູ້​ນຂອງ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງຳ​ຄັ້ງ​ທີ 2 ໄດ້​ໄຂ​ຂຶ້ນ​ຢູ່​ນະ​ຄອນຫຼວງ​ພະ​ນົມ​ເປັນ​ປະ​ເທດ​ກຳ​ປູ​ເຈຍ​ໃນ​ວັນ​ທີ 10 ມັງ​ກອນນີ້. ທ່ານ ຫຼີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ ແລະ​ຜູ້​ນຳ​ຂອງ 5 ປະ​ເທດ​ຄື: ກຳ​ປູ​ເຈຍ, ລາວ, ໄທ, ມຽນ​ມາ ແລະ​ຫວຽດ​ນາມ ຈະ​ຮ່ວມ​ກັນ​ວາງ​ແຜນ​ການ​ຮ່ວມ​ມື​ແມ່​ນ້ຳລ້ານ​ຊ້າງ-ແມ່​ນ້ຳ​ຂອງ​ໄລ​ຍະ​ຕໍ່​ໄປ.

    ໃນ​ໄລ​ຍະ​ກອງ​ປະ​ຊຸມ​ຄັ້ງ​ນີ້, ຈີນ​ໄດ້​ສະ​ເໜີ​ຂໍ້​ລິ​ເລີ່ມ​ການ​ຮ່ວມ​ມືທີ່​ແທດ​ເໝາະ​ກັບ​ຕົວ​ຈິງອີກຫຼາຍ​ຂໍ້, ລວມ​ທັງ​ການ​ຮ່ວມ​ມື​ໃນ​ດ້ານ​ຊັບ​ພະ​ຍາ​ກອນ​ນ້ຳ,ເພີ່ມ​ທະ​ວີ​ການ​ສ້າງ​ຊົນ​ລະ​ປະ​ທານ ແລະ​ຄວາມ​ສາ​ມາດ​ການ​ຜະ​ລິດ​ດ້ານ​ອື່ນ​ໆ, ເປີດກວ້າງ​ການ​ຮ່ວມ​ມື​ດ້ານ​ກະ​ສິ​ກຳ, ເພີ່ມ​ທະ​ວີ​ການ​ຮ່ວມ​ມື​ດ້ານ​ຊັບ​ພະ​ຍາ​ກອນ​ມະ​ນຸດ, ຊຸກ​ຍູ້​ການ​ຮ່ວມ​ມື​ໃນ​ດ້ານ​ສາ​ທາ​ລະ​ນະ​ສຸກ ແລະ​ອື່ນໆ.

    ຈີນສະ​ເໜີຕື່ມ​ວ່າ, ບົນ​ພື້​ໜ​ຖານ​ບູ​ລະ​ນະ 3 ເສົາ​ຄ້ຳ​ໃຫຍ່ ແລະ 5 ຂົງ​ເຂດ​ບຸ​ລິ​ມະ​ສິດ​ທີ່​ມີ​ຢູ່​ໃນ​ປັດ​ຈຸ​ບັນ, ຄວນ​ເປີດກວ້າງ​ການ​ຮ່ວມ​ມື​ໃນ​ຂົງ​ເຂດ​ເສດ​ຖະ​ກິດ​ດີ​ຈີ​ຕອນ, ການ​ອະ​ນຸ​ລັກ​ສິ່ງ​ແລດ​ລ້ອມ, ສາ​ທາ​ລະ​ນະ​ສຸກ, ດ່ານ​ພາ​ສີ ແລະ ຊາວ​ໜຸ່ມ​ເປັນ​ຕົ້ນ. ນອກນີ້, ຈີນ​ຍັງ​ໄດ້​ຮ່ວມ​ກັບ 5 ປະ​ເທດ​ແມ່​ນ້ຳ​ຂອງ ຄົ້ນ​ຄວ້າ​ພິ​ຈາ​ລະ​ນາ ແລະ ຜ່ານ​ "ແຜນ​ການ​ດຳ​ເນີນ​ງານ 5 ປີ​ຂອງ​ການຮ່ວມ​ມື​ແມ່​​ນ້ຳ​ລ້ານ​ຊ້າງ-ແມ່​ນ້ຳ​ຂອງ (2018-2022)", "ບັນ​ຊີ​ໂຄງ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງງວດ​ທີ 2" ແລະ​ອື່ນໆ ເພື່ອ​ຊີ້​ທິດ​ທາງ​ແລະ​ເສັ້ນ​ທາງ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ໃນ​ໄລ​ຍະ​ຕໍ່​ໄປ​ຢ່າງ​ຈະ​ແຈ້ງ.

    ຜູ້​ນຳ​ທີ່​ຮ່ວມ​ປະ​ຊຸມ​​ກ່າວ​ວ່າ, ຂໍ້​ລິ​ເລີ່ມ​ຂອງ​ຈີນ​ສອດ​ຄ່ອງ​ກັບ​ຜົນ​ປະ​ໂຫຍດ​ຍາວ​ນານ​ຂອງ​ປະ​ເທດ​ແມ່​ນ້ຳ​ຂອງ. ທ່ານ ຮຸນ​ແຊນ ນາ​ຍົກ​ລັດ​ຖະ​ມົນ​ຕີ​ກຳ​ປູ​ເຈຍ​ທີ່​ເປັນ​ປະ​ເທດ​ເຈົ້າ​ພາບກອງ​ປະ​ຊຸມ​ໄດ້​ຍ້ອງ​ຍໍ​ບົດ​ບາດ​ນຳ​ພາ​ຂອງ​ຈີນ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ