ທ່ານ​ຫຼີ​ເຄີ້​ສຽງເຂົ້າ​ຢ້ຽມ​ຄຳ​ນັບ​ສົມ​ເດັດ​ໂນ​ໂຣ​ດົມ ​ສີ​ຫາ​ໂມ​ນີເຈົ້າ​ຊີ​ວິດ​ກຳ​ປູ​ເ​ຈຍ
2018-01-12 16:35:12  cri 
ຕອນ​ບ່າຍ​ວັນ​ທີ 11 ມັງ​ກອນ​ນີ້, ທ່ານ​ຫຼີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ​ໄດ້​ເຂົ້າຢ້ຽມ​ຄຳ​ນັບ​​ສົມ​ເດັດ​ໂນ​ໂຣ​ດົມ ​ສີ​ຫາ​ໂມ​ນີເຈົ້າ​ຊີ​ວິດ​ກຳ​ປູ​ເ​ຈຍ​ຢູ່​ພະ​ລາ​ຊະ​ວັງ​ພະ​ນົມ​ເປັນ​ປະ​ເທດ​ກຳ​ປູ​ເຈຍ.

ທ່ານ​ຫຼີ​ເຄີ້​ສຽງ​ກ່າວ​ເນັ້ນ​ວ່າ, ຈີນ​ຈະ​ສືບ​ຕໍ່​ສະ​ໜັບ​ສະ​ໜູນ​ຄວາມ​ພະ​ຍາ​ຍາມ​ຂອງ​ກຳ​ປູ​ເຈຍ​ເພື່ອ​ພັດ​ທະ​ນາ​ເສດ​ຖະ​ກິດ, ປັ​ບ​ປຸງ​ຊີ​ວິດ​ການ​ເປັນ​ຢູ່​ຂອງ​ປະ​ຊາ​ຊົນ​ໃຫ້​ດີ​ຂຶ້ນ​ແລະ​ຮັກ​ສາ​ຄວາມ​ໝັ້ນ​ທ່ຽງ, ​ແລະ​ຍິນ​ດີ​ສືບ​ຕໍ່​ສະ​ໜອງ​ການ​ຊ່ວຍ​ເຫຼືອ​ແກ່​ກຳ​ປູ​ເຈຍ​ຕາມ​ຄວາມ​ສາ​ມາດ​ຂອງ​ຕົນ. ເຊື່ອ​ວ່າ​ການ​ຂະ​ຫຍາຍ​ສາຍ​ພົວ​ພັນຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ​ລະ​ຫວ່າງ​ຈີນ-ກຳ​ປູ​ເຈຍ​ຈະ​ສ້າງ​ຜົນ​ປະ​ໂຫຍດ​ຫຼາຍກວ່າ​ເກົ່າ​ໃຫ້​ແກ່​ປະ​ຊາ​ຊົນ​ສອງ​ປະ​ເທດ.

ສົມ​ເດັດ​ໂນ​ໂຮ​ດົມ ສີ​ຫາ​ໂມ​ນີ ກ່າວຂອບ​ໃຈ​ນຳ​ການ​ສະ​ໜັບ​ສະ​ໜູນ​ແລະ​ການ​ຊ່ວຍ​ເຫຼືອ​ຂອງ​ຈີນ​ຕໍ່​ກຳ​ປູ​ເຈຍ​ໃນ​ດ້ານ​ການ​ພັດ​ທະ​ນາ​ເສດ​ຖະ​ກິດ​ສັງ​ຄົມ​ເປັນ​ເວ​ລາ​ດົນ​ນານ, ການ​ທີ່​ຢ້ຽມ​ຢາມ​ກຳ​ປູ​ເຈຍ​ຂອງ​ທ່ານຫຼີ​ເຄີ້​ສຽງ​ໄດ້​ປັບ​ປຸງ​ມິດ​ຕະ​ພາບ​ທີ່​ມີ​ມູນ​ເຊື້ອ​ລະ​ຫວ່າງ​ສອງ​ປະ​ເທດ, ແລະລົງ​ເລິກ​ການ​ຮ່ວມ​ມື​ລະ​ຫວ່າງ​ສອງ​ຝ່າຍ​ໃນ​ຂົງ​ເຂດ​ຕ່າງໆ, ​ຈະ​ນັ້ນ​ຈຶ່ງມີ​ຄວາມ​ໝາຍ​ສຳ​ຄັນ​ທີ່​ສຸດ. ປະ​ຊາ​ຊົນ​ກຳ​ປູ​ເຈຍ​ຈະ​ບໍ່​ລືມ​ມິດ​ຕະ​ພາບ​ຂອງ​ປະ​ຊາ​ຊົນ​ຈີນ​, ແລະ​ຢືນ​ຢູ່​ຄຽງ​ຂ້າງ​ກັບ​ປະ​ຊາ​ຊົນ​ຈີນ​ຈົນ​ເທົ່າ​ໃດໆ. ຫວັງ​ວ່າ​ສາຍ​ພົວ​ພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ​ລະ​ຫວ່າງ​ສອງ​ປະ​ເທດ​ຈະສາມ​າດ​ຂະ​ຫຍາຍ​ຕົວ​ໃຫ້​ດີຂຶ້ນກວ່າ​ເກົ່າ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ