ຈີນ​ແລະອົງການ​ສະ​ຫະ​ປະ​ຊາ​ຊາດ​ເພື່ອ​ການ​ພັດ​ທະ​ນາສະ​ໜອງ​ການ​ຊ່ວຍ​ເຫຼືອ​ທາງມະ​ນຸດ​ສະ​ທຳ​ໃຫ້​ແກ່​ເຂດ​ປະ​ສົມ​ໄພ​ເນ​ປານ
2018-01-12 17:23:56  cri 
ທ່ານ​ຢີ​ຫົງ ເອກ​ອັກ​ຄະ​ລັດ​ຖ​ະ​ທູດ​ຈີນ​ປະ​ຈຳ​ເນ​ປານ​ແລະ​ທ່ານ​ເຣ​ນັດ ເມ​ເຢີ ຫົວ​ໜ້າ​ສຳ​ນັກ​ງານ​ຕົວ​ແທນ​ຂອງ​ອົງ​ການ​ສະ​ຫະ​ປະ​ຊາ​ຊາດ​ເພື່ອ​ການ​ພັດ​ທະ​ນາ​ຫຼື UNDP ປະ​ຈຳ​ເນ​ປານ​ໄດ້​ເຊັນ​ສັນ​ຍາ​ປະ​ຕິ​ບັດ​ໂຄງ​ການ​ຢູ່​ນະ​ຄອນ​ຫຼວງ​ກັດ​ມັນ​ດູ​ໃນ​ວັນ​ທີ 11 ມັງ​ກອນ​ນີ້, ເພື່ອ​ສະ​ໜອງວັດ​ຖຸ​ຊ່ວຍ​ເຫຼືອ​ທາງ​ມະ​ນຸດ​ສະ​ທຳ​ໃຫ້​ແກ່​ເຂດ​ປະ​ສົບ​ໄພ​ເນ​ປານ.

ເດືອນ​ສິງ​ຫາ​ປີ 2017, ທົ່ງ​ພຽງ​ເທີ​ເຣ​​ພາກ​ໃຕ້​ເນ​ປານ​ໄດ້​ເກີດ​ຝົນ​ຕົກ​ແຮງ​ຢ່າງ​ໜັກ​ໜ່ວງ​ໃນ​ຮອບ 60 ປີ​ຜ່ານ​ມາ, ​ໄດ້​ເຮັດ​ໃຫ້ 35 ເຂດ​ປະ​ສົບ​ໄພ​ນ້ຳ​ຖ້ວມ​ແລະ​ຟື້ນ​ທີ່​ຫຼາຍກວ່າ 80% ​ໄດ້​ຮັບ​ຜົນ​ກະ​ທົບ.

ເດືອນ​ພະ​ຈິກ​ປີ 2017, ລັດ​ຖະ​ບານ​ຈີນ​ແລະ UNDP ໄດ້​ເຊັນ​ສັນ​ຍາ​ຮ່ວມ​ມື​ເສດ​ຖະ​ກິດ​ເຕັກ​ນິກ​ຢູ່​ນະ​ຄອນ​ຫຼວງ​ປັກ​ກິ່ງ ສ​ປ ຈີນ, ຕາມ​ສັນ​ຍາ​ດັ່ງ​ກ່າວ, ລັດ​ຖ​ະ​ບານ​ຈີນ​ຈະ​ສະ​ໜອງວັດ​ຖຸ​ຊ່ວຍ​ເຫຼືອ​​ໃນ​ມູນ​ຄ່າ 4 ລ້ານ​ໂດ​ລາ​ໃຫ້​ແກ່​ເຂດ​ພາກ​ໃຕ້​ຂອງ​ເນ​ປານ​ລວມ​ທັງ​ພົມ, ເຄື່ອງ​ແຕ່ງ​ກິນ, ມຸ້ງ, ເຄື່ອງ​ຕອງ​ນ້ຳ​, ກະ​ເປົາ​ສາ​ທາ​ລະ​ນະ​ສຸກ​ແລະ​ອື່ນໆ. ໂຄງ​ການ​ດັ່ງ​ກ່າວ​ຈະໄດ້​ຮັບ​ຜົນ​ປະ​ໂຫຍ​ດ​ຢ່າງ​ຫຼວງ​ຫຼາຍ 31800 ຄອບ​ຄົວ​ຢູ່ 7 ເຂດ​ຂອງ 2 ແຂວງ​ທີ່​ປະ​ສົບ​ໄພ. ຫຼັງ​ເຊັນ​ສັນ​ຍາ​ດັ່ງ​ກ່າວ​ແລ້ວ, ວັດ​ຖຸ​ຊ່ວຍ​ເຫຼືອງວດ​ທຳ​ອິດ​ຈະ​ແຈກ​ຢາຍ​ໃຫ້​ແກ່​ປະ​ຊາ​ຊົນ​ຜູ້​ປະ​ສົບ​ໄພ​ໃນ​ວັນ​ຈັນ​ໜ້າ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ