ຕອນເຊົ້າວັນທີ 11 ມັງກອນນີ້, ກຳປັ່ນຮົບສອງລຳຂອງກອງປ້ອງກັນຕົວຍີ່ປຸ່ນໄດ້ເຂົ້າໄປໃນເຂດທະເລເກາະຕ້ຽວຢີຂອງຈີນ, ກົມຖະແຫຼງຂ່າວກະຊວງປ້ອງກັນປະເທດຈີນຢືນຢັນໃນມື້ດຽວກັນວ່າ, ກຳປັ່ນລາດຕະເວນ "ຢີ້ຢາງ" ຂອງກອງທັບເຮືອຈີນທີ່ຮັບຜິດຊອບການລາດຕະເວນໄດ້ເຂົ້າສູ່ເຂດທະເລດັ່ງກ່າວເພື່ອຕິດຕາມການເຄື່ອນໄຫວຂອງກຳປັ່ນຍີ່ປຸ່ນ, ປັດຈຸບັນ, ກຳປັ່ນຍີ່ປຸ່ນໄດ້ອອກຈາກເຂດດັ່ງກ່າວແລ້ວ.
ກ່ອນໜ້ານີ້, ກະຊວງປ້ອງກັນປະເທດຍີ່ປຸ່ນໄດ້ຖະແຫຼງວ່າ, ກຳປັ່ນຮົບຈີນໄດ້ເຂົ້າສູ່ເຂດທະເລທີ່ໃກ້ກັບເຂດທະເລເກາະຕ້ຽວຢີ.
ກົມຖະແຫຼງຂ່າວກະຊວງປ້ອງກັນປະເທດຈີນກ່າວເນັ້ນວ່າ, ເກາະຕ້ຽວຢີແລະໝູ່ເກາະທີ່ຂຶ້ນກັບເກາະຕ້ຽວຢີແມ່ນດິນແດນຂອງຈີນຕັ້ງແຕ່ສະໄໝບູຮານຜ່ານມາ, ການເຄື່ອນໄຫວຂອງກຳປັ່ນຈີນຢູ່ເຂດທະເລທີ່ກ່ຽວຂ້ອງແມ່ນຊອບທຳແລະດ້ວຍກົດໝາຍ. ຍີ່ປຸ່ນປິ້ນດຳໃຫ້ເປັນຂາວແລະຈົງໃຈສ້າງເລື່ອງຈາກການເຄື່ອນໄຫວຂອງກອງທັບຈີນທີ່ຊອບທຳແລະຊອບດ້ວຍກົດໝາຍເພື່ອປ້ອງກັນສິດອະທິປະໄຕຂອງຕົນ, ຈີນສະແດງຄວາມບໍ່ພໍໃຈຢ່າງແຮງແລະຄັດຄ້ານຢ່າງເດັດດ່ຽວ.
ກະຊວງປ້ອງກັນປະເທດຈີນກ່າວຢ້ຳວ່າ, ກອງທັບຈີນຈະໃຊ້ທຸກວິທີທາວທີ່ຈຳເປັນເໝືອນດັ່ງທີ່ປະຕິບັດຜ່ານມາ, ເພື່ອປ້ອງກັນສິດອະທິປະໄຕເໜືອດິນແດນຫ່ງຊາດແລະຜົນປະໂຫຍດດ້ານຄວາມປອດໄພຂອງຊາດຢ່າງເດັດດ່ຽວ.
 |
