ວັນທີ 11 ມັງກອນນີ້, ທ່ານລູ້ຄ່າງ ໂຄສົກກະຊວງການຕ່າງປະເທດຈີນກ່າວໃນພິທີຖະແຫຼງຂ່າວວ່າ: ຫວ່າງມໍ່ໆມານີ້, ສະພາຕ່ຳອາເມລິກາໄດ້ຮັບຮອງຍັດຕິກ່ຽວກັບໄຕ້ຫວັນ ເຊິ່ງໄດ້ຝືນກັບນະໂຍບາຍປະເທດຈີນດຽວ ແລະຫຼັກການຖະແຫຼງການຮ່ວມຈີນ-ອາເມລິກາສາມສະບັບຢ່າງໜັກໜ່ວງ, ແຊກແຊງວຽກງານພາຍໃນຂອງຈີນ, ສະນັ້ນ ຈີນຄັດຄ້ານການກະທຳດັ່ງກ່າວຢ່າງເດັດດ່ຽວ.
ທ່ານລູ້ຄ່າງກ່າວຕື່ມວ່າ: ຈີນທວງໃຫ້ອາເມລິກາຕ້ອງເຄົາລົບນະໂຍບາຍປະເທດຈີນດຽວ ແລະຫຼັກການຖະແຫຼງການຮ່ວມຈີນ-ອາເມລິກາສາມສະບັບ, ແກ້ໄຂບັນຫາໄຕ້ຫວັນຢ່າງລະມັດລະວັງ ແລະຮອບຄອບ, ບໍ່ດຳເນີນການໄປມາຫາສູ່ກັນລະຫວ່າງທາງການກັບໄຕ້ຫວັນ, ບໍ່ສົ່ງສັນຍານຜິດພາດຕໍ່ອິດທິກຳລັງແບ່ງແຍກໄຕ້ຫວັນເປັນເອກະລາດ ແລະຮັກສາສະພາບລວມຂອງສາຍພົວພັນຈີນ-ອາເມລິກາ ແລະການຮ່ວມມືໃນກິດຈະການສາກົນລະຫວ່າງສອງປະເທດໂດຍການກະທຳຕົວຈິງ.
 |
