ຄະ​ນະ​ຜູ້​ແທນ​ສູນ​ກາງ​ພັກ​ກອມ​ມູ​ນິດ​ຈີນ​ຢ້ຽມ​ຢາມ​ຟີ​ລິບ​ປິນ ແລະ ​ແນະ​ນຳຈິດ​ໃຈ​ກອ​ງ​ປະ​ຊຸມ​ໃຫຍ່​ຄັ້ງ​ທີ 19
2018-01-12 14:37:43  cri 
ນັບ​ແຕ່​ວັນ​ທີ 9 ຫາ 11 ມັງ​ກອນ​ນີ້, ທ່ານ​ເມິ້ງ​ສຽງ​ເຟິງ ຮອງ​ຫົວ​ໜ້າ​ຫ້ອງວ່າ​ການ​ສູນ​ກາງ​ພັກ​ກອມ​ມູ​ນິດ​ຈີນ​ໄດ້​ນຳ​ພາ​ຄະ​ນະ​ຜູ້​ແທນ​ໄປ​ຢ້ຽມ​ຢາມ​ຟີ​ລິບ​ປິນ ໂດຍໄດ້​ເຂົ້າ​ຢ້ຽມ​ຄຳ​ນັບ​ທ່ານໂຣດ​ຣີ​ໂກ ​ດູ​ເຕີ​ເຕ ປະ​ທານ​ພັກ​ພະ​ລັງ​ປະ​ຊາ​ຊົນ​ປະ​ຊາ​ທິ​ປະ​ໄຕ​ຟີ​ລິບ​ປິນ, ປະ​ທາ​ນາ​ທິ​ບໍ​ດີ​ຟີ​ລິ​ປິນ ແລະ ຜູ້​ນຳ​ທ່ານ​ອື່ນໆ ແລະ ເຂົ້າ​ຮ່ວມກອ​ງ​ປະ​ຊຸມ​ເຜີຍ​ແຜ່​ຈິດ​ໃຈ​ກອງ​ປະ​ຊຸມ​ໃຫຍ່​ຄັ້ງ​ທີ 19 ​ຂອງ​ພັກ​ກອມ​ມູ​ນິດ​ຈີນໃຫ້​ແກ່​ວົງ​ການ​ຕ່າງໆ​ຂອງ​ຟີ​ລິບ​ປິນ​ຢ່າງກວ້າງ​ຂວາງ.

ຟີ​ລິບ​ປິນ​ໄດ້​ຕີ​ລາ​ຄາ​ສູງ​ຕໍ່​ກອງ​ປະ​ຊຸມ​ໃຫຍ່​ຂອງ​ພັກ​ກອມ​ມູ​ນິດ​ຈີນ ໂດຍ​ສະ​ເພາະ​ແມ່ນ​ແນວ​ຄິດ​ສີ​ຈິ້ນ​ຜິງ​ກ່ຽວ​ກັບ​ສັງ​ຄົມ​ນິ​ຍົມ​ທີ່​ມີ​ສີ​ສັນ​ພິ​ເສດ​ຂອງ​ຈີນ​ໃນ​ຍຸກ​ໃໝ່​​ທີ່ມີ​ຄວາມ​ໝາຍ​ສຳ​ຄັນ​ຕໍ່​ໂລກ, ເຫັນ​ດີ​ຕໍ່​ມາດ​ຕະ​ການ​ສຳ​ຄັນ​ຂອງ​ພັກ​ກອມ​ມູ​ນິດ​ຈີນ​ໃນ​ການ​ຄຸ້ມ​ຄອງ​ພັກ​ຢ່າງ​ເຂັ້ມ​ງວດ​ຮອບ​ດ້ານ ແລະ​ກ່າວ​ວ່າ ຍິນ​ດີ​ຖອດ​ຖອນ​ບົດ​ຮຽນ​ກັບ​ຈີນ​ໃນ​ການ​ປົກ​ຄອງ​ປະ​ເທດ ແລະ ບໍ​ລິ​ຫານ​ການ​ເມືອງ, ລົງ​ເລິກ​ມິດ​ຕະ​ພາບ​ ແລະ​ ການ​ຮ່ວມ​ມື​ຈີນ-ຟີ​ລິບ​ປິນ ເພື່ອ​ສ້າງ​ຄວາມ​ຜາ​ສຸກ​ໃຫ້​ແກ່​ປະ​ຊາ​ຊົນ​ສອງ​ຊາດ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ