ທະ​ນາ​ຄານ​ຈີນ​ສາ​ຂາ​ມາ​ລາກາ​ປະ​ເທດ​ມາ​ເລ​ເຊຍເລີ່ມ​ເປີດ​ໃຫ້​ບໍ​ລິ​ການ
2018-01-13 14:57:56  cri 
ທະ​ນາ​ຄານ​ຈີນ​ສາ​ຂາ​ມາ​​ລາ​ກາ​ທີ່​ຂຶ້ນ​ກັບ​ທະ​ນາ​ຄານ​ຈີນ​ສາ​ຂາ​ມາ​ເລ​ເຊຍ​ໄດ້​ເລີ່ມ​​ເປີດໃຫ້​ບໍ​ລິ​ການ​ຢ່າງ​ເປັນ​ທາງ​ການ​ແລ້ວ​ໃນ​ວັນ​ທີ 12 ມັງ​ກອນ​ນີ້.

ຂ່າວ​ແຈ້ງວ່າ: ​ທະ​ນາ​ຄານ​ຈີນ​ສາ​ຂາ​ມາ​ເລ​ເຊຍ​ເລີ່ມ​ຂຶ້ນ​ກັບ​ທະ​ນາ​ຄານ​ຈີນ​ສາ​ຂາ​ເຂດ​ພິ​ເສດ​ຮົງ​ກົງ​ຢ່າງ​ເປັນ​ທາງ​ການ​ນັບ​ແຕ່​ເດືອນ​ຕຸ​ລາ​ປີ 2016 ເປັນ​ຕົ້ນ​ມາ ເຊິ່ງ​ເປັນ​ອົງ​​ການ​ປະ​ຈຳ​ຕ່າງ​ປະ​ເທດ​ແຫ່ງ​ທຳ​ອິດ​ຂອງ​ທະ​ນາ​ຄານ​ຈີນ​ສາ​ຂາ​ຮົງ​ກົງ, ​ເປັນຂີດ​ໝາຍ​ສຳ​ຄັນ​ທາງ​ປະ​ຫວັດ​ສາດຂອງ​ທະ​ນາ​ຄານ​ຈີນ​ສາ​ຂາ​ຮົງ​ກົງ​ໃນ​ການ​ພັດ​ທະ​ນາ​ກ້າວ​ສູ່​ຕ່າງ​ປະ​ເທດ,ການ​ເປີດ​ທະ​ນາ​ຄານ​ຈີນ​ສາ​ຂາ​ມາ​​ລາ​ກາ​ຈະ​ເປັນ​ການ​ຊຸກ​ຍູ້​ທະ​ນາ​ຄານ​ຈີນ​ສາ​ຂາ​ຮົງ​ກົງ​ພັດ​ທະ​ນາ​ຈາກ​ທະ​ນາ​ຄານ​ຕົວ​ເມືອງ​ທີ່​ປັກ​ຮາກ​ຢູ່​ຮົງ​ກົງ​ກາຍ​ເປັນ​ທະ​ນາ​ຄານ​ລັກ​ສະ​ນະ​ພາກ​ພື້ນ​ທີ່​ເປີດ​ບໍ​ລິ​ການ​ຕໍ່ອາ​ຊີ​ຕາ​ເວັນ​ອອກ​ສຽງ​ໃຕ້.

ທ່ານ ອິດ​ຣິ​ສ໌ ​ຫົວ​ໜ້າ​ຄະ​ນະ​ລັດ​ຖະ​ມົນ​ຕີ​ລັດ​ມາ​ລາ​ກາ​ໄດ້​ຕາງ​ໜ້າ​ອົງ​ການ​ປົກ​ຄອງ​ລັດ​ດັ່ງ​ກ່າວ​ສະ​ແດງ​ຄວາມ​ຕ້ອນ​ຮັບ​ທະ​ນາ​ຄານ​ຈີນ​ມາ​ເປີດ​ສາ​ຂາ​ຢູ່​ລັດ​ມາ​ລາ​ກາ, ທ່ານ​ກ່າວ​ວ່າ: ການ​ສ້າງ​ຕັ້ງ​ສາ​ຂາ​ທະ​ນາ​ຄານ​ຈີນ​ຢູ່​ມາ​ລາ​ກາ​ຍ່ອມ​ຈະ​ຊຸກ​ຍູ້​ການ​ພັດ​ທະ​ນາເສດ​ຖະ​ກິດ​ການ​ຄ້າ​ແລະ​ການ​ລົງ​ທຶນ​ຢູ່​ທ້ອງ​ຖິ່ນ ​ແລະຈະ​ຊຸກ​ຍູ້​ການ​ພັດ​ທະ​ນາ​ຂໍ້​ລິ​ເລີ່ມ "ໜຶ່ງ​ແລວ​ທາງ​ໜຶ່ງ​ເສັ້ນ​ທາງ" ຢູ່​ລັດ​​ມາ​ລາ​ກາ​ເຊັ່ນ​ດຽວ​ກັນ.

ຂ່າວ​ລາຍ​ງານ​ຕື່ມ​ວ່າ,ປັດ​ຈຸ​ບັນ,ທະ​ນາ​ຄານ​ຈີນສາ​ຂາ​ມາ​ເລ​ເຊຍ​ໄດ້​ເປີດ​ສາ​ຂາ​ຍ່ອຍ​ຢູ່​ເມືອງ​ເປ​ນັ���,ເມືອງ​ມູ​ອາ,ເມືອງ​ທ່າ​ເຮືອ​ຄ​ລາງ​ແລະ​ອື່ນໆ​ຂອງ​ມາ​ເລເຊຍແລ້ວ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ