ສູນບຳ​ບັດ​ຜູ້​ເສບ​ຢາ​ເສບ​ຕິດ​ສອງ​ແຫ່ງ​ທີ່​ຈີນ​ຊ່ວຍ​ເຫຼືອ​ເລີ່ມ​​ລົງ​ມື​ກໍ່ສ້າງ​ຢູ່​ເກາະ​ມິນ​ດາ​ນາວ
2018-01-13 15:34:58  cri 
ພິ​ທີ​ວາງ​ສີ​ລະເລີກ​ກໍ່​ສ້າງ​ສູນ​ບຳ​ບັດ​ຜູ້​ເສບ​ຢາ​ເສບ​ຕິດ​ສອງ​ແຫ່ງ​ທີ່​ຈີນ​ຊ່ວຍ​ສ້າງ​ໃຫ້​ແກ່​ຟີ​ລິບ​ປີນ​ໄດ້​ຈັດ​ຂຶ້ນ​ຢູ່​ແຂວງ​ຊ​ບາ​ຣັນ​ກາ​ນີ​ເກາະ​ມິນ​ດາ​ນາວ​ປະ​ເທດ​ຟີ​ລິບ​ປີນ​ໃນ​ວັນ​ທີ 12 ມັງ​ກອນ​ນີ້.

ທ່ານ​ຈິ່ນຢວນ ທີ່​ປຶກ​ສາ​ທູດ​ດ້ານ​ເສດ​ຖະ​ກິດ​ຂອງ​ສະ​ຖານ​ທູດ​ຈີນ​ປະ​ຈຳ​ຟີ​ລິບ​ປີນ​ກ່າວ​ປາ​ໄສ​ວ່າ, ໂຄງ​ການ​ຈີນ​ຊ່ວຍ​ເຫຼືອ​ຟີ​ລິບ​ປີນ​ສ້າງ​ສູນ​ບຳ​ບັດ​ຜູ້​ເສບ​ຢາ​ເສບ​ຕິດ​ແມ່ນ​ຜົນ​​ການຢ້ຽມ​ຢາມ​ຈີນ​ທາງ​ລັດ​ຖະ​ກິດ​ຄັ້ງ​ທຳ​ອິດ​ຂອງ​ທ່ານ​ໂ​ຣ​ດ​ຣີ​ໂກ ດູ​ເຕີ​ເ​ຕ ປະ​ທາ​ນາ​ທິ​ບໍ​ດີ​ຟີ​ລິບ​ປີ​ນ​ເມື່ອ​ເດືອນ​ຕຸ​ລາ​ປີ 2016. ຄຽງ​ຄູ່​ກັບ​ການ​ຮ່ວມ​ມື​ລະ​ຫວ່າງ​ສອງ​ປະ​ເທດ​ໄດ້​ຮັດ​ແໜ້ນ​ເພີ່ມ​ຂຶ້ນ, ສາຍ​ພົວ​ພັນ​ລະ​ຫວ່າງ​ສອງ​ປະ​ເທດ​ກໍ​ໄດ້​ຂະ​ຫຍາຍ​ຕົວ​ຢ່າງ​ປອດ​ໃສ​ແລະ​ໝັ້ນ​ທ່ຽງ, ​ແນວ​ໃດ​ກໍ​ດີຈີນ​ຈະ​ສືບ​ຕໍ່​ດຳ​ເນີນ​ການ​ຮ່ວມ​ມື​ແບບ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ​ກັບ​ຟີ​ລິບ​ປີນ. ​ແລະເຊື່ອ​ວ່າ​ພາຍ​ໃຕ້​ຄວາມ​ພະ​ຍາ​ຍາມ​ຮ່ວມ​ຂອງ​​ສອງ​ຝ່າຍ, ສອງ​ປະ​ເທດ​​ກໍຈະ​ມີ​ອະ​ນາ​ຄົດ​ດີ​ງາມ​ຮ່ວມ​ກັນ.

ໃນ​ກອງ​ປະ​ຊຸມ​ຖະ​ແຫຼງ​ຂ່າວ​ຫຼັງ​ພິ​ທີ​​ດັ່ງ​ກ່າວ, ທ່ານ​ຈິ່ນຢວນ​ຍັງ​ເປີດ​ເຜີຍ​ວ່າ, ຈີນ​​ຈະ​ສ້າງ​ເຂດ​ນິ​ຄົມ​ອຸດ​ສາ​ຫະ​ກຳ​ແຫ່ງ​ໜຶ່ງ​ຢູ່​ຟີ​ລິບ​ປີນ​ໂດ​ຍ​ປັດ​ຈຸ​ບັນ​ໄດ້​ເຂົ້າ​ສູ່​ໄລ​ຍະ​ເລືອກ​ສະ​ຖານ​ທີ່​ສ້າງ​ຕັ້ງ​ໂຄງ​ການ​ແລະ​ວາງ​ແຜນ​ຈັດ​ສັນ​ແລ້ວ, ຄາດ​ວ່າ​ຈະ​ມີ​ຄວາມ​ຄືບ​ໜ້າ​ເບື້ອງ​ຕົ້ນ​ໃນ 6 ເດືອນ​ຕົ້ນ​ປີ​ນີ້.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ