ທ່ານສະເເຕເວັນ ເທີເນີ ມຸນຸຊິນ, ລັດຖະມົນຕີກະຊວງການເງິນອາເມລິກາຢືນຢັນໃນວັນທີ 11 ມັງກອນນີ້ວ່າ, ປະເທດຕົນຈະຂວ້ຳບາດຕໍ່ອີຣານຫຼາຍກວ່າເກົ່າຢູ່ນອກສັນຍານິວເຄຼຍຮອບດ້ານອີຣານ.
ໃນພິທີຖະແຫຼງຂ່າວທີ່ຈັດຂຶ້ນໃນມື້ດັ່ງກ່າວ, ທ່ານມຸນຸຊິນ ກ່າວວ່າ, ອາເມລິກາໄດ້ປະຕິບັດມາດຕະການຂວ້ຳບາດຕໍ່ອີຣານຈຳນວນໜຶ່ງແລ້ວ, ແລະຈະປະຕິບັດການຂວ້ຳບາດຕໍ່ອີຣານຫຼາຍກວ່າເກົ່າດ້ວຍຂໍ້ອ້າງ "ລ່ວງລະເມີດສິດທິມະນຸດ" ແລະອື່ນໆໃນອະນາຄົດ. ທ່ານກ່າວຕື່ມວ່າ, ອາເມລິກາມີຫຼັກໝັ້ນຈະແຈ້ງທີ່ສຸດກ່ຽວກັບບັນຫານິວເຄຼຍອີຣານ, ນັ້ນກໍຄືສັນຍາຮອບດ້ານກ່ຽວກັບບັນຫານິວເຄຼຍອີຣານບໍ່ສາມາດສະກັດກັ້ນອີຣານດຳເນີນການທົດລອງຂີປະນາວຸດ, ສະນັ້ນຄວນດັດແກ້ສັນຍາດັ່ງກ່າວ.