ໂດຍແນໃສ່ຖະແຫຼງການສະບັບຫຼ້າສຸດຂອງທ່ານທຣຳ ປະທານາທິບໍດີອາເມລິກາກ່ຽວກັບສັນຍາຮອບດ້ານວ່າດ້ວຍບັນຫານິວເຄຼຍອີຣານ, ຕອນກາງຄືນວັນທີ 12 ມັງກອນນີ້, ທ່ານໂມຮາມັດ ຈາວັດ ຊາຣິຟ ລັດຖະມົນຕີກະຊວງການຕ່າງປະເທດອີຣານໄດ້ຂຽນບົດຄວາມລົງທຸຍເຕີ(twitter)ວ່າ: ຄວາມເຈຕະນາຂອງອາເມລິກາທີ່ຢາກທຳລາຍສັນຍາຫຼາຍຝ່າຍທີ່ໝັ້ນຄົງສະບັບນີ້ເປັນການເສຍແຮງລ້າໆ.
ທ່ານຊາຣິຟຖະແຫຼງວ່າ:"ນະໂຍບາຍແລະຖະແຫຼງການຂອງທ່ານທຣຳໄດ້ຢືນຢັນວ່າ, ການກະທຳທີ່ເຈດຕະນາຢາກທຳລາຍສັນຍາຫຼາຍຝ່າຍທີ່ໝັ້ນຄົງສະບັບໜຶ່ງ ແລະຝ່າຝືນຂໍ້ມາດຕາໃນສັນຍາດ້ວຍແນວຄິດບໍ່ດີເປັນການເສຍແຮງລ້າໆ." ທ່ານກ່າວວ່າ: ສັນຍາວ່າດ້ວຍບັນຫານິວເຄຼຍອີຣານບໍ່ສາມາດກັບຄືນສູ່ການເຈລະຈາຄືນໃໝ່, ອາເມລິກາຄວນປະຕິບັດຕາມຄຳໝັ້ນສັນຍາຂອງຕົນຢ່າງຮອບດ້ານຄືອີຣານ.
ວັນທີ 12 ມັງກອນນີ້, ທ່ານທຣຳ ປະທານາທິບໍດີອາເມລິກາໄດ້ອອກຖະແຫຼງການວ່າ: ຈະແກ່ເວລາທີ່ຍົກເວັ້ນການຂວ້ຳບາດທີ່ແນໃສ່ບັນຫານິວເຄຼຍອີຣານເປັນເທື່ອສຸດທ້າຍ. ທ່ານຍັງກ່າວວ່າ: ສັນຍາວ່າດ້ວຍບັນຫານິວເຄຼຍອີຣານມີ"ຂໍ້ຂາດຕົກບົກຜ່ອງທີ່ອາດຈະສ້າງໄພພິບັດ", ທ່ານຮຽກຮ້ອງໃຫ້ລັດຖະສະພາອາເມລິກາແລະປະເທດເອີຣົບເຫັນດີໃຫ້ດັດແກ້ຂໍ້ມາດຕາໃນສັນຍາ, ເພີ່ມເນື້ອໃນກ່ຽວກັບການຈຳກັດໂຄງການຂີປະນາວຸດອີຣານແລະອື່ນໆ.
 |
