ຕາມຂ່າວCRI: ວັນທີ 14 ມັງກອນນີ້, ທ່ານອະລີ ລະຣິຈັນນີ ປະທານສະພາອີຣານປະກາດວ່າ: ສະພາອີຣານບໍ່ຮັບຮອງການປ່ຽນແປ່ງໃດໆຕໍ່ສັນຍາຮອບດ້ານນິວເຄຼຍອີຣານທີ່ໄດ້ບັນລຸໃນເດືອນກໍລະກົດປີ 2015 ຢ່າງເດັດດ່ຽວ.
ທ່ານກ່າວຕື່ມໃນກອງປະຊຸມຄົບຄະນະທີ່ຈັດຂຶ້ນຢູ່ນະຄອນຫຼວງເຕເຮຣານໃນມື້ດຽວກັນວ່າ: ຄຳເວົ້າກ່ຽວກັບສັນຍານິວເຄຼຍອີຣານຂອງທ່ານທຣຳ ປະທານາທິບໍດີອາເມລິກາແມ່ນກຳລັງທຳລາຍສັນຍາສະບັບນີ້.
ວັນທີ 12 ມັງກອນນີ້, ທ່ານທຣຳຕັດສິນຕາມສັນຍາຮອບດ້ານນິວເຄຼຍອີຣານ ເລື່ອນເວລາຍົກເລີກການຂວ້ຳບາດຕໍ່ອີຣານ. ຂະນະດຽວກັນ, ກະຊວງການເງິນອາເມລິກາໄດ້ບັນທຶກລາຍຊື່ປະຊາຊົນອີຣານ 14 ຄົນ ແລະວິສາຫະກິດອີຣານເຂົ້າໃນບັນຊີຂວ້ຳບາດ, ໃນຂໍ້ກ່າວຫາວ່າ ເຂົາເຈົ້າລະເມີດສິດທິມະນຸດ ແລະເຂົ້າຮ່ວມແຜນການຂີປະນາວຸດ.