ສື່ມວນຊົນຟີລິບປີນລາຍງານວ່າ, ທ່ານໂຣດຣີໂກ ດູເຕີເຕ ປະທານາທິບໍດີຟີລິບປີນກ່າວໃນຫວ່າງມໍ່ໆນີ້ວ່າ, ນະຄອນຫຼວງມານີລາຕັ້ງຮູບປັ້ນທອງນາງບຳເລີແມ່ນສິດຂອງຜູ້ປະສົບເຄາະຮ້າຍຟີລິບປີນທີ່ຍັງມີຊີວິດຢູ່ແລະພີ່ນ້ອງຄອບຄົວຂອງເຂົາເຈົ້າ.
ທ່ານດູເຕີເຕ ໄດ້ໃຫ້ສຳພາດຕໍ່ນັກຂ່າວຟີລິບປີນວ່າ, ໃນໂອກາດພົບປະກັບທ່ານເຊໂກະ ໂນດະ ລັດຖະມົນຕີກະຊວງວຽກງານສັງລວມຍີ່ປຸ່ນທີ່ຢ້ຽມຢາມຟີລິບປີນໃນວັນທີ 9 ມັງກອນນີ້, ທ່ານໂນດະໄດ້ສະແດງຄວາມເສຍດາຍຕໍ່ນະຄອນຫຼວງມານີລາທີ່ຕັ້ງຮູບປັ້ນທອງນາງບຳເລີ. ທ່ານດູເຕີເຕ ກ່າວເນັ້ນວ່າ, ການທີ່ຕັ້ງຮູບປັ້ນທອງນາງບຳເລີທີ່ຊອບດ້ວຍກົດໝາຍແລະລັດຖະທຳມະນູນຂອງຟີລິບປີນ, ຕົນບໍ່ມີສິດແຊກແຊງ, ແລະບໍ່ສາມາດສະກັດກັ້ນໄດ້.