ວັນທີ 17 ມັງກອນນີ້, ເວທີປຶກສາຫາລືເສດຖະກິດໂລກໄດ້ເຜີຍແຜ່ "ບົດລາຍງານຄວາມສ່ຽງທົ່ວໂລກປີ 2018" ຢູ່ນະຄອນຫຼວງລອນດອນ ເຊິ່ງຄາດວ່າ ປີນີ້, ເສດຖະກິດໂລກມີທ່າອ່ຽງເພີ່ມຂຶ້ນຢ່າງເຂັ້ມແຂງທີ່ຈະເປັນໂອກາດສຳຄັນຕໍ່ຜູ້ນຳບັນດາປະເທດ ເພື່ອແກ້ໄຂບັນຫາທາງດ້ານສັງຄົມ, ເສດຖະກິດ, ການພົວພັນສາກົນ, ສິ່ງແວດລ້ອມ ແລະອື່ນໆ.
"ບົດລາຍງານຄວາມສ່ຽງທົ່ວໂລກ" ທີ່ເຜີຍແຜ່ໃນເດືອນມັງກອນແຕ່ລະປີນັ້ນປະກອບດ້ວຍຄວາມຄິດເຫັນຂອງຊ່ຽວຊານ ແລະຜູ້ຕັດສິນນະໂຍບາຍຕໍ່ຄວາມສ່ຽງໃຫຍ່ຫຼວງຂອງໂລກເກືອບ 1000 ຄົນໄດ້ເຂົ້າຮ່ວມການສຳພາດຄວາມເຫັນຕໍ່ຄວາມສ່ຽງຂອງໂລກໃນປີ 2018, ໃນນີ້, ມີ 59% ຄິດວ່າຄວາມສ່ຽງຈະເພີ່ມຂຶ້ນ ແລະມີພຽງແຕ່ 7% ເທົ່ານັ້ນຄິດວ່າຈະຫຼຸດລົງ.