ຕອນຄ່ຳວັນທີ 17 ມັງກອນນີ້, ສະພາຕ່ຳອັງກິດໄດ້ຮັບຮອງ "ຍັດຕິຖອນອອກຈາກສະຫະພາບເອີຣົບ" ໂດຍໄດ້ອ່ານສາມເທື່ອ ແລະຈະມອບໃຫ້ສະພາສູງໃນທ້າຍເດືອນນີ້. ຍັດຕິດັ່ງກ່າວເພື່ອຫັນປ່ຽນຈາກກົດໝາຍເອີຣົບທີ່ມີຢູ່ໃນປັດຈຸບັນໃຫ້ກາຍເປັນກົດໝາຍພາຍໃນປະເທດອັງກິດ ພາຍຫຼັງການຖອນອອກຈາກເອີຣົບ.
ສະມາຊິກສະພາຕ່ຳອັງກິດຮັບຮອງຍັດຕິດັ່ງກ່າວດ້ວຍຜົນການລົງຄະແນນສຽງ 324 ຕໍ່ 295. ຕາມຂະບວນການຮ່າງກົດໝາຍ,ສະພາສູງອັງກິດຈະລົງຄະແນນສຽງໃນທ້າຍເດືອນນີ້, ແລະຈະຕ້ອງຜ່ານການຮັບຮອງຈາກພະລາຊິນີຈຶ່ງສາມາດເປັນກົດໝາຍທີ່ສົມບູນໄດ້. ນັກວິເຄາະເຫັນວ່າ: ສະພາສູງອັງກິດອາດຈະອອກແຜນການດັດແກ້ ແລະສົ່ງໃຫ້ສະພາຕ່ຳລົງຄະແນນສຽງຄືນໃໝ່.
