ຕາມຂ່າວ CRI: ໃນກອງປະຊຸມເປີດເຜີຍຂອງສະພາຄວາມໝັ້ນຄົງສະຫະປະຊາຊາດກ່ຽວກັບການປ້ອງກັນບໍ່ໃຫ້ແຜ່ຂະຫຍາຍອາວຸດນິວເຄລຍທີ່ຈັດຂຶ້ນວັນທີ 18 ມັງກອນນີ້ ທ່ານອູຫາຍຖ່າວ ອຸປະທູດຊົ່ວຄາວຂອງຈີນປະຈຳອົງການສະຫະປະຊາຊາດກ່າວວ່າ, ການປ້ອງກັນບໍ່ໃຫ້ແຜ່ຂະຫຍາຍອາວຸດນິວເຄລຍຕ້ອງຍືດໝັ້ນນະໂຍບາຍພື້ນຖານຄື: ບັນລຸຄວາມໝັ້ນຄົງ, ແລະແກ້ໄຂບັນຫາດ້ວຍສັນຕິວິທີ ແລະທາງການເມືອງຮ່ວມກັນ.
ທ່ານອູຫາຍຖ່າວກ່າວວ່າ, ທາດແທ້ຂອງບັນຫາປ້ອງກັນບໍ່ໃຫ້ແຜ່ຂະຫຍາຍອາວຸດນິວເຄລຍແມ່ນບັນຫາຄວາມໝັ້ນຄົງ, ການສຸມໃສ່ຄວາມໝັ້ນຄົງແມ່ນສາເຫດທີ່ພາໃຫ້ເກີດມີການເຄື່ອນໄຫວແຜ່ຂະຫຍາຍອາວຸດ. ສະນັ້ນ ປະເທດຕ່າງໆຄວນປະລະແນວຄິດກໍ່ສົງຄາມເຢັນ, ຍຶດໝັ້ນໃນການປົກປັກຣັກສາວັດຖຸປະສົງແລະຫຼັກການຂອງກົດບັດສະຫະປະຊາຊາດ, ສ້າງທັດສະນະດ້ານຄວາມໝັ້ນຄົງຮ່ວມກັນ, ໂດຍລວມ, ຮ່ວມມືກັນແບບຍືນຍົງ, ສ້າງການພົວພັນສາກົນແບບໃໝ່ທີ່ເຄົາລົບເຊິ່ງກັນແລະກັນ, ຍຸດຕິທຳ, ເປັນທຳ ແລະຮ່ວມມືກັນໄດ້ຮັບຜົນປະໂຫຍດນຳກັນ, ສ້າງສະຖານະພາບຄວາມໝັ້ນຄົງທີ່ສະເໝີພາບ ເປັນທຳ ສ້າງສາຮ່ວມກັນແລະຊົມໃຊ້ຜົນປະໂຫຍດຮ່ວມກັນ.
ທ່ານອູຫາຍຖ່າວຊີ້ອອກວ່າ, ຕ້ອງຍຶດໝັ້ນແກ້ໄຂບັນດ້ວຍວິທີທາງການເມືອງແລະສັນຕິວິທີ.ການເປັນປໍລະປັກກັນ ແລະຂວ້ຳບາດແຕ່ຢ່າງດຽວນັ້ນພຽງແຕ່ຈະເຮັດໃຫ້ການປະທະກັນຮຸ່ນແຮງຂຶ້ນເລື້ອຍໆ ແລະເພີ່ມທະວີຄວາມສ່ຽງໃນການແຜ່ຂະຫຍາຍອາວຸດ.