ວັນທີ 19 ມັງກອນນີ້, ທຳນຽບປະທານາທິບໍດີຝຣັ່ງອອກຖະແຫຼງການວ່າ, ວັນທີ 18 ມັງກອນນີ້, ທ່ານເອມານູເອວ ມາຄຮົງ ປະທານາທິບໍດີຝຣັ່ງໄດ້ເຈລະຈາກັບທ່ານມູນເຈອິນ ປະທານາທິບໍດີສ.ເກົາຫຼີທາງໂທລະສັບ, ໂດຍໄດ້ສະແດງຄວາມຊົມເຊີຍຕໍ່ສ.ເກົາຫຼີກັບສປປເກົາຫຼີດຳເນີນການສົນທະນາຄືນໃໝ່.
ຖະແຫຼງການລະບຸວ່າ, ໃນການເຈລະຈາ, ທ່ານມາຄຣົງກ່າວວ່າ, ຫວັງໃຫ້ການສົນທະນາລະຫວ່າງສ.ເກົາຫຼີກັບສປປເກົາຫຼີມີຜົນດີຕໍ່ການຜ່ອນຄາຍສະພາບການອັນເຄັ່ງຕຶງຂອງພາກພື້ນແລະເຮັດໃຫ້ສອງຝ່າຍສ້າງຕັ້ງຄວາມໄວ້ເນື້ອເຊື່ອໃຈເຊິ່ງກັນແລະກັນ, ຊຸກຍູ້ຂະບວການປອດອາວຸດນິວເຄຼຍຂອງແຫຼມເກົາຫຼີ.
ຖະແຫຼງການລະບຸອີກວ່າ, ທ່ານມາຄຣົງກ່າວເນັ້ນວ່າ, ສປປເກົາຫຼີເຂົ້າຮ່ວມງານກິລາໂອແລມປິກລະດູໜາວພຽງຊາງແມ່ນ ປັດໄຈອັນຕັ້ງໜ້າ ຕໍ່ການຜ່ອນຄາຍສະພາບການອັນເຄັ່ງຕຶງຂອງພາກພື້ນ. ທ່ານມາຄຣົງອວຍພອນງານກິລາໂອແລມປິກລະດູໜາວພຽງຊາງຈົ່ງໄດ້ຮັບຜົນສຳເລັດເຕັມເມັດເຕັມໜ່ວຍ.