ບົດລາຍງານທົບທວນຄືນ ແລະ ຈ້ອງມອງການລົງທຶນໂດຍກົງສາກົນທົ່ວໂລກໃນປີ 2017-2018 ທີ່ອົງການການຄ້າ ແລະ ການພັດທະນາສະຫະປະຊາຊາດເຜີຍແຜ່ໃນວັນທີ 23 ມັງກອນນີ້ສະແດງໃຫ້ເຫັນວ່າ, ການລົງທຶນໂດຍກົງຈາກຕ່າງປະເທດຂອງທົ່ວໂລກໃນປີ 2017 ໄດ້ຫຼຸດລົງ 16% ເມື່ອທຽບໃສ່ປີ 2016, ແຕ່ທຶນຕ່າງປະເທດໄຫຼເຂົ້າຈີນໝົດປີມີເກືອບ 144 ຕື້ໂດລາສະຫະລັດ, ເປັນສະຖິຕິສູງສຸດໃນປະຫວັດສາດ ແລະ ເປັນອັນດັບ 2 ຂອງໂລກ.
ບົດລາຍງານຊີ້ອອກວ່າ, ພາຍຫຼັງເພີ່ມຂຶ້ນ 3 ປີລຽນຕິດແລ້ວ, ການກວາດຊື້ຂ້າມຊາດຂອງທົ່ວໂລກໃນປີ 2017 ໄດ້ຫຼຸດລົງຢ່າງຫຼວງຫຼາຍ. ທີ່ຈິງແລ້ວ, ຈັງຫວະການກວາດຊື້ທົ່ວໂລກໃນປີ 2016 ກໍໄດ້ຊ້າລົງ ແລະ ປີ 2017 ໄດ້ຫຼຸດລົງ 23%, ມີເກືອບ 666 ຕື້ໂດລາສະຫະລັດ, ແຕ່ຍັງເປັນອັນດັບ 3 ນັບແຕ່ປີ 2007 ມານີ້.
 |
