ຕາມຂ່າວCRI: ວັນທີ 23 ມັງກອນນີ້, ງານສັງສັນສະຫຼອງບຸນກຸດຈີນຈີນ-ອາຊຽນໄດ້ຈັດຂຶ້ນຢູ່ນະຄອນຫຼວງປັກກິ່ງ ໂດຍມີເອກອັກຄະລັດຖະທູດພ້ອມດ້ວຍຜູ້ຕາງໜ້າຂອງບັນດາປະເທດອາຊຽນປະຈຳຈີນເຊັ່ນ: ລາວ, ສິງກະໂປ,ບຣູໄນ,ມຽນມາ,ຟີລິບປິນແລະໄທເປັນຕົ້ນກໍໍ່ຄືຜູ້ແທນຝ່າຍຈີນໄດ້ຮ່ວມກັນສະຫຼອງບຸນກຸດຈີນແລະອວຍພອນປີໃໝ່ເຊິ່ງກັນແລະກັນໃຫ້ມີສຸຂະພາບແຂງແຮງແລະໂຊກລາບຕະຫຼອດປີ.
ຂ່າວແຈ້ງວ່າ,ສະພາມົນຕີການຄ້າຈີນ-ອາຊຽນ ແລະຄະນະກຳມະການອາຊຽນ-ປັກກິ່ງໄດ້ຈັດງານສັງສັນບຸນກຸດຈີນເປັນເວລາ 18 ປີຕິດຕໍ່ກັນແລ້ວ, ເພື່ອຊຸກຍູ້ການພົວພັນທີ່ມີໄມຕີຈິດມິດຕະພາບຖານບ້ານໃກ້ເຮືອນຄຽງແລະການຮ່ວມມືດ້ານເສດຖະກິດ-ການຄ້າລະຫວ່າງຈີນ-ອາຊຽນ. ຄະນະມົນຕີການຄ້າຈີນ-ອາຊຽນເປັນໜຶ່ງໃນກົນໄກຮ່ວມມືຈີນ-ອາຊຽນ, ສະພາກຳມະການອາຊຽນ-ປັກກິ່ງປະກອບດ້ວຍເອກອັກຄະລັດຖະທູດຂອງ 10 ປະເທດສະມາຊິກອາຊຽນປະຈຳຈີນ.
