ທ່ານນາງຮວາຊຸນຢິງ ໂຄສົກກະຊວງການຕ່າງປະເທດຈີນໄດ້ເປີດເຜີຍຢູ່ນະຄອນຫຼວງປັກກິ່ງໃນວັນທີ 23 ມັງກອນນີ້ວ່າ, ກອງປະຊຸມລະດັບລັດຖະມົນຕີຄັ້ງທີ 2 ຂອງເວທີປຶກສາຫາລືຈີນ-ອາເມລິກາລາຕິນໄດ້ຮັບຮອງເອກະສານຜົນສຳເລັດ 3 ສະບັບ ເຊິ່ງລວມທັງ "ຖະແຫຼງການພິເສດກ່ຽວກັບໜຶ່ງແລວທາງໜຶ່ງເສັ້ນທາງ" ໂດຍໄດ້ກຳນົດເສັ້ນທາງການຮ່ວມມືແບບຕ່າງຝ່າຍຕ່າງມີຜົນປະໂຫຍດລະຫວ່າງຈີນກັບບັນດາປະເທດອາເມລິກາລາຕິນ, ບັນລຸໃຫ້ຈີນ ແລະ ບັນດາປະເທດອາເມລິກາລາຕິນໄດ້ຮ່ວມມືກັນແບບຂ້າມມະຫາສະໝຸດໃນຍຸກໃໝ່ ແລະ ເປີດໜ້າໃໝ່ແຫ່ງການຮ່ວມມືແບບກວມລວມລະຫວ່າງສອງຝ່າຍ.
ທ່ານນາງຮວາຊຸນຢິງກ່າວວ່າ, ພວກເຮົາເຫັນວ່າ, ກອງປະຊຸມຄັ້ງນີ້ໄດ້ປະສົບຜົນສຳເລັດຢ່າງຈົບງາມ, ໄດ້ມີຄວາມຮັບຮູ້ຄືກັນເພື່ອສາມັກຄີຮ່ວມມືກັນ, ເນັ້ນໃສ່ການພັດທະນາຮ່ວມກັນ ແລະ ກຳນົດເສັ້ນທາງຮ່ວມມືແບບຕ່າງຝ່າຍຕ່າງມີຜົນປະໂຫຍດ. ພວກເຮົາຄອງຄອຍຮ່ວມກັນກັບບັນດາປະເທດອາເມລິກາລາຕິນ ແລະ ທະເລກາລາອິບ, ຮ່ວມກັນຊຸກຍູ້ໃຫ້ການພົວພັນຄູ່ຮ່ວມມືຮອບດ້ານລະຫວ່າງສອງຝ່າຍກ້າວຂຶ້ນສູ່ລະດັບໃໝ່.