ວັນທີ 24 ມັງກອນນີ້, ທ່ານເຣກສ ຕິເລິຊັນ ລັດຖະມົນຕີກະຊວງການຕ່າງປະເທດອາເມລິກາລົມໂທລະສັບກັບທ່ານ ເຊີເກ ລັຟໂຣຟ ລັດຖະມົນຕີກະຊວງການຕ່າງປະເທດຣັດເຊຍເພື່ອປຶກສາຫາລືການປະທະກັນຢູ່ຊີຣີ ແລະບັນຫາອື່ນໆ.
ທ່ານຮັດເທີ ນໍເອີດທ ໂຄສົກກະຊວງການຕ່າງປະເທດອາເມລິກາໄດ້ປະກາດວ່າ: ບັນຫາຊີຣີ, ສອງຝ່າຍໄດ້ປຶກສາຫາລືວ່າ: ຣັດເຊຍຄວນເສີມຂະຫຍາຍບົດບາດແນວໃດ ເພື່ອຮັບປະກັນໃຫ້ລັດຖະບານຊີຣີສາມາດເສີມຂະຫຍາຍບົດບາດທີ່ສ້າງສັນໃນຂະບວນການເຊີແນວ, ນອກຈາກນີ້, ສອງຝ່າຍຍັງໄດ້ປຶກສາຫາລືສະພາບການຢູ່ແຫຼມເກົາຫຼີອີກດ້ວຍ.
ກະຊວງການຕ່າງປະເທດຣັດເຊຍໄດ້ປະກາດວ່າ: ສອງຝ່າຍໄດ້ປຶກສາຫາລືກ່ຽວກັບສະຖຽນນະການຢູ່ຊີຣີ ກວມເອົາຕວກກີທີ່ໂຈມຕີກຸ່ມປະກອບອາວຸດເຄີດິສຕັນທາງພາກເໜືອຊີຣີ ແລະກອງປະຊຸມເຈລະຈາທົ່ວປະເທດຊີຣີທີ່ຈະຈັດຂຶ້ນຢູ່ນະຄອນໂຊຈີຂອງຣັດເຊຍໃນໄວໆນີ້.